കോഴിക്കോട്: കൂരാച്ചുണ്ടിൽ ഓടിക്കൊണ്ടിരുന്ന കാറിന് തീപിടിച്ച് പൂർണ്ണമായും നശിച്ചു. നെല്ലിപ്പൊയിൽ പാലത്തിങ്കൽ തോമസിൻ്റെ ഉടമസ്ഥതയിലുള്ള 14 വർഷം പഴക്കമുള്ള കാറാണ് അപകടത്തിൽപ്പെട്ടത്. പൊറാളി – മുളവട്ടംകടവ് റോഡിൽ ഓഞ്ഞിൽ സെൻ്റ് ജോൺസ് ഓർത്തഡോക്സ് പള്ളിക്ക് മുൻപിലായിരുന്നു സംഭവം. യാത്രയ്ക്കിടെ കാറിൽ നിന്ന് പുക ഉയരുന്നത് ശ്രദ്ധയിൽപ്പെട്ട ഉടനെ കാറിലുണ്ടായിരുന്ന രണ്ടുപേരും പുറത്തിറങ്ങിയതിനാൽ വലിയൊരു ദുരന്തം ഒഴിവായി. പേരാമ്പ്രയിൽ നിന്ന് അഗ്നിശമന സേനയെത്തിയാണ് തീയണച്ചത്.