ആദിവാസികള്ക്ക് എതിരായ പരാമര്ശത്തിൽ തെലുങ്ക് ചലച്ചിത്ര താരം വിജയ് ദേവരകൊണ്ടയ്ക്കെതിരെ പൊലീസ് കേസ്. എസ്സി/ എസ്ടി അതിക്രമം തടയല് നിയമപ്രകാരമാണ് കേസ് എടുത്തിരിക്കുന്നത്. ഒരു സിനിമയുടെ പ്രീ റിലീസ് ഇവെന്റില് പങ്കെടുക്കവെ ആയിരുന്നു താരത്തിന്റെ വിവാദ പരാമര്ശം.
പരാമര്ശത്തിന് പിന്നാലെ ജൂണ് 17 ന് താരത്തിനെതിരെ പൊലീസ് കേസ് എടുത്തിരുന്നു. പഹല്ഗാം തീവ്രവാദ ആക്രമണത്തെ അഞ്ഞൂറ് വര്ഷം മുന്പ് നടന്ന ആദിവാസി ഗോത്ര യുദ്ധങ്ങളുമായി താരതമ്യം ചെയ്യുകയും ആദിവാസി ഗോത്രങ്ങള്ക്കിടയിലുള്ള സംഘര്ഷങ്ങളെ തീവ്രവാദി ആക്രമണങ്ങളുമായി താരതമ്യം ചെയ്തുകൊണ്ടുള്ളതായിരുന്നു വിജയ് ദേവരകൊണ്ടയുടെ പരാമര്ശം.
ഇതിന്റെ വീഡിയോ ഓണ്ലൈനില് അതിവേഗം പ്രചരിച്ചതോടെ താരത്തിനെതിരെ വ്യാപകമായ പ്രതിഷേധങ്ങളും ഉയര്ന്നു. ആദിവാസി സമൂഹങ്ങളുടെ സംയുക്ത ആക്ഷന് കമ്മിറ്റി സംസ്ഥാന പ്രസിഡന്റ് നേനാവത് അശോക് കുമാര് നായിക് ആണ് ഇത് സംബന്ധിച്ച് പൊലീസില് പരാതി നല്കിയത്. കേസില് അന്വേഷണം പുരോഗമിക്കുന്നതായാണ് പൊലീസ് മാധ്യമങ്ങളെ അറിയിച്ചത്.
