കൊച്ചി: വാഴക്കാലയിൽ ഓട്ടോഡ്രൈവറുടെ വീട്ടിൽ അതിക്രമിച്ചുകയറി തോക്ക് ചൂണ്ടി വധഭീഷണി മുഴക്കിയെന്ന പരാതിയിൽ തൃക്കാക്കര പൊലീസ് അന്വേഷണം ആരംഭിച്ചു. വാഴക്കാല കമ്പിവേലി സ്വദേശി പി.ജെ. ഷിജീഷിന്റെ പരാതിയിലാണ് നടപടി. സംഭവത്തിന് പിന്നാലെ ഒളിവിൽ പോയ പ്രതികൾക്കായി പൊലീസ് തിരച്ചിൽ ശക്തമാക്കിയിട്ടുണ്ട്. ബുധനാഴ്ച ഉച്ചയ്ക്ക് 2.30ഓടെയായിരുന്നു സംഭവം. വീട്ടിൽ വിശ്രമിക്കുകയായിരുന്ന ഷിജീഷിന്റെ വീട്ടിലേക്ക് കമ്പിവേലി സ്വദേശിയായ യുവാവും സംഘവും മാരകായുധങ്ങളുമായി അതിക്രമിച്ച് കയറുകയായിരുന്നുവെന്നാണ് പരാതി. വാതിൽ ചവിട്ടിത്തുറന്ന് അകത്തുകയറിയ സംഘം അസഭ്യം പറയുകയും തോക്ക് ചൂണ്ടി കൊല്ലുമെന്ന് ഭീഷണിപ്പെടുത്തുകയും […]