കോഴിക്കോട്: ബാലുശ്ശേരി ഗ്രാമപഞ്ചായത്തിൽ അധികാരമേറ്റ യു.ഡി.എഫ് ഭരണസമിതി, പാവപ്പെട്ട ജനവിഭാഗങ്ങളെ ദ്രോഹിക്കുന്ന നയമാണ് സ്വീകരിക്കുന്നതെന്ന് പരാതി. ബാലുശ്ശേരിയിലെയും പരിസര പ്രദേശങ്ങളിലെയും ആയിരക്കണക്കിന് എസ്.സി- എസ്.ടി കുടുംബങ്ങൾക്ക് തണലാകേണ്ട പട്ടികജാതി-പട്ടികവർഗ വികസന കോർപ്പറേഷന്റെ റീജിയണൽ ഓഫീസിനെ പഞ്ചായത്തിൽ ഒഴിവാക്കാൻ നീക്കം. ബാലുശ്ശേരി നിയോജകമണ്ഡലത്തിലെ പട്ടികജാതി-പട്ടികവർഗ വിഭാഗങ്ങളുടെ ഉന്നമനത്തിനായി അഡ്വ. കെ.എം. സച്ചിൻദേവ് എം.എൽ.എ നടത്തിയ നിരന്തരമായ ഇടപെടലുകളുടെ ഫലമായാണ് ഈ റീജിയണൽ ഓഫീസ് അനുവദിക്കപ്പെട്ടത്. ഫെബ്രുവരിയിൽ ഈ ഓഫീസ് ഉദ്ഘാടനം ചെയ്ത് ജനങ്ങൾക്ക് തുറന്നുകൊടുക്കാനുള്ള എല്ലാ ഒരുക്കങ്ങളും പൂർത്തിയായിരുന്നു. […]