ജാര്‍ഖണ്ഡ് : സംസ്ഥാനത്ത് തെരഞ്ഞെടുപ്പിൽ ഭരണകക്ഷിയായ ജെഎംഎം നേതൃത്വത്തിലുള്ള ഇന്ത്യാ സഖ്യവും ബിജെപി നേതൃത്വത്തിലുള്ള എൻഡിഎയും തമ്മിലുള്ള കടുത്ത പോരാട്ടത്തിനാണ് വിധി നിര്‍ണ്ണയിക്കപ്പെടുന്നത്. ആറ് മണിക്കൂറുകള്‍ പിന്നിടുമ്പോള്‍ 47.92 ശതമാനമാണ് പോളിങ് നിരക്ക്. 12 ജില്ലകളിലായി രാവിലെ 7 മണിക്ക് ആരംഭിച്ച വോട്ടെടുപ്പ് വൈകിട്ട് 5 മണിക്ക് അവസാനിക്കും.

മഹാരാഷ്ട്ര : ഭരണകക്ഷിയായ മഹായുതി സഖ്യവും മഹാ വികാസ് അഘാഡിയും തമ്മിലുള്ള ഏറ്റുമുട്ടൽ മുന്നേറുന്നു. മന്ദഗതിയിലേയ്ക്ക് എത്തിയ പോളിങ് നിരക്ക് ഉയര്‍ന്നുവരികയാണ് മഹാരാഷ്ട്രയില്‍. നാല് മണിക്കൂര്‍ പിന്നിട്ടപ്പോള്‍ വെറും 18.14 ശതമാനം മാത്രമായിരുന്നു പോളിങ് നിരക്ക്. മണിക്കൂറുകള്‍ക്കിപ്പുറം നിരക്ക് സാവധാനത്തില്‍ ഉയരുന്നുണ്ടെന്നതാണ് രാഷ്ട്രീയ മുന്നണികള്‍ക്ക് ആശ്വാസം പകരുന്നത്. മഹാരാഷ്ട്രയിൽ മഹാ വികാസ് അഘാഡി അധികാരത്തിലെത്തുമെന്ന് തനിക്ക് വിശ്വാസമുണ്ടെന്നാണ് കർണാടക ഉപമുഖ്യമന്ത്രിയും കോൺഗ്രസ് നേതാവുമായ ഡികെ ശിവകുമാർ ഉറപ്പിച്ചു പറയുന്നത്.

മഹാരാഷ്ട്ര: മഹാരാഷ്ട്ര പോളിങ് ബൂത്തിലേയ്ക്ക്. അടിയൊഴുക്കുകള്‍ക്ക് ഏറെ സാധ്യതയുള്ള മഹാരാഷ്ട്രയിലെ ജനങ്ങളുടെ മനസ്സില്‍ എന്തെന്ന് കുറിക്കപ്പെടാന്‍ ഇനി നിമിഷങ്ങള്‍ മാത്രമാണ് അവശേഷിക്കുന്നത്. രാഷ്ട്രീയ കക്ഷികള്‍ തമ്മിലുള്ള മഹായുദ്ധത്തിന് തന്നെയാണ് മഹാരാഷ്ട്ര വേദിയാകുക. മഹാരാഷ്ട്രയില്‍ എന്‍സിപിയും ശിവസേനയും രണ്ടായി പിളരുകയും ബിജെപിക്കൊപ്പം ചേരുകയും ചെയ്ത രാഷ്ട്രീയ വിവാദങ്ങള്‍ നിലനില്‍ക്കെ തന്നെയാണ് ജനങ്ങള്‍ പോളിംങ് ബൂത്തിലേയ്ക്ക് എത്തുന്നത്. അതുകൊണ്ടുതന്നെ ഇതില്‍ ഏത് ഭാഗമാണ് ശരി എന്ന ചോദ്യങ്ങള്‍ക്കുള്ള ഉത്തരം കൂടിയാകും ജനങ്ങള്‍ തെരഞ്ഞെടുക്കുക എന്നതാണ് ഇവിടെ ആവേശം ഇരട്ടിയാക്കുന്നത്. സ്വതന്ത്രരും […]

ജാര്‍ഖണ്ഡ് : രണ്ടാം ഘട്ടതെരഞ്ഞെടുപ്പിനായി ജാര്‍ഖണ്ഡില്‍ ജനങ്ങള്‍ ഇന്ന് പോളിങ് ബൂത്തിലേയ്ക്ക്. കോണ്‍ഗ്രസ് അധ്യക്ഷന്‍ മല്ലികാര്‍ജുന്‍ ഖാര്‍ഗെ, രാഹുല്‍ ഗാന്ധി, പ്രധാനമന്ത്രി നരേന്ദ്ര മോദി, ആഭ്യന്തര മന്ത്രി അമിത് ഷാ എന്നിവരുടെ നേതൃത്വത്തിലുള്ള സഖ്യങ്ങളുടെ ഉന്നത നേതാക്കളൊക്കെയും അണിനിരന്ന വന്‍പ്രചാരണത്തില്‍ ജനങ്ങള്‍ ആര്‍ക്കൊപ്പമെന്ന് നിര്‍ണ്ണയിക്കപ്പെടുന്ന മണിക്കൂറുകളാണിനി.2019ല്‍ നഷ്ടമായ അധികാരം ബിജെപി തിരിച്ചുപിടിക്കുമോ എന്നാണ് രാഷ്ട്രീയ ലോകം ഉറ്റുനോക്കുന്നത്.