തൃശ്ശൂർ: തൃശൂർ– കുറ്റിപ്പുറം സംസ്ഥാന പാതയിലെ ഗതാഗതക്കുരുക്ക് രൂക്ഷമായ കേച്ചേരി ജംഗ്ഷൻ വികസനത്തിനായി ഭൂമി ഏറ്റെടുപ്പിന് 126 കോടി രൂപ കിഫ്ബി അനുവദിച്ചു. കിഫ്ബിയുടെ 55-ാം ജനറൽ ബോഡി യോഗത്തിലാണ് ഫണ്ടിംഗിന് അന്തിമ അംഗീകാരം ലഭിച്ചത്. കേച്ചേരി– അക്കിക്കാവ് ബൈപാസ് പൂർത്തിയായി ഗതാഗത ഭാരം വർധിച്ചതോടെ കേച്ചേരി മേഖലയിലെ ഗതാഗതക്കുരുക്ക് ശക്തമായിരുന്നു. ജനപ്രതിനിധികളായ എ.സി. മൊയ്തീൻ എം.എൽ.എയും മുരളി പെരുനെല്ലി എം.എൽ.എയും നടത്തിയ ശ്രമത്തിന്റെ ഫലമായാണ് ഈ സാമ്പത്തികാനുമതി. ദീർഘകാലമായി കാത്തിരുന്ന പ്രദേശവാസികളുടെ സ്വപ്നമാണ് പദ്ധതിയിലൂടെ യാഥാർഥ്യമാകുന്നത്. […]