തൃശ്ശൂർ: തൊഴിയൂർ സെന്റ് ജോർജ്ജ് ഭദ്രാസന ഇടവക യൂത്ത് ലീഗ് യൂണിറ്റിന്റെ നേതൃത്വത്തിൽ ജീവകാരുണ്യ പ്രവർത്തനങ്ങളുടെ ഭാഗമായി കോട്ടപ്പടി അഭയ ഭവൻ വയോജന കേന്ദ്രം സന്ദർശിച്ചു.
യൂത്ത് ലീഗ് പ്രവർത്തകർ അഭയ ഭവൻ ഡയറക്ടർ ഫാ. ഷിജു പി. കാട്ടിൽ അച്ചനുമായി കൂടിക്കാഴ്ച നടത്തി, ചാപ്പലിൽ പ്രാർത്ഥനയും നടത്തി. വയോജന കേന്ദ്രത്തിലെ അന്തേവാസികൾക്ക് ആവശ്യമായ സാധനങ്ങൾ വിതരണം ചെയ്തതോടൊപ്പം, യൂത്ത് ലീഗ് പ്രവർത്തകർ ഓരോ അന്തേവാസിയേയും സന്ദർശിച്ച് ആശ്വാസം പകർന്നു.
അവസാനം ക്രിസ്മസ് ആശയവുമായി ബന്ധപ്പെട്ട കരോൾ ഗാനങ്ങളും ആലപിച്ചു.ഇടവക വികാരി ഫാ. ബെന്യാമിൻ ചിറ്റിലപ്പിള്ളി, ഇടവക ട്രഷറർ റെയ്ഫിസൺ ബാബു എന്നിവർ പരിപാടിയിൽ പങ്കെടുത്തു. യൂത്ത് ലീഗ് ട്രഷറർ സ്റ്റെറിൻ ജൂബി, കൺവീനർ ജിയ സി. ജെയ്സൺ എന്നിവർ ക്രമീകരണങ്ങൾക്ക് നേതൃത്വം നൽകി.
