തൃശ്ശൂർ: ചാവക്കാട് മർച്ചന്റ്സ് അസോസിയേഷന്റെ നേതൃത്വത്തിൽ കേരള വ്യാപാരി വ്യവസായി ഏകോപന സമിതി സ്ഥാപക പ്രസിഡന്റായിരുന്ന സി.എം ജോർജിന്റെ അനുസ്മരണ സമ്മേളനം സംഘടിപ്പിച്ചു. ചാവക്കാട് മുനിസിപ്പൽ സ്ക്വയറിൽ നടന്ന യോഗം കെ.വി.വി.ഇ.എസ് ജില്ലാ സെക്രട്ടറിയേറ്റ് അംഗവും സിഎംഎ ജനറൽ സെക്രട്ടറിയുമായ ജോജി തോമസ് ഉദ്ഘാടനം ചെയ്തു.
വൈസ് പ്രസിഡണ്ട് കെ.എൻ. സുധീർ അധ്യക്ഷത വഹിച്ചു. ട്രഷറർ കെ.കെ. സേതുമാധവൻ സ്വാഗതം പറഞ്ഞു. സെക്രട്ടറി പി.എസ്. അക്ബർ നന്ദി രേഖപ്പെടുത്തി. സെക്രട്ടറിമാരായ പി.എം. അബ്ദുൽ ജാഫർ, എ.എസ്. രാജൻ, വനിതാ വിംഗ് പ്രസിഡണ്ട് ഫാദിയ ഷെഹീർ, സെക്രട്ടറി റസിയ ഷാഹുൽ, ട്രഷറർ രതി രാജൻ എന്നിവർ അനുസ്മരണ പ്രഭാഷണം നടത്തി.
