ബോസ്റ്റണ്: കോള്ഡ്പ്ലേ സംഗീത പരിപാടിക്കിടെ കിസ് കാമില് ‘കുടുങ്ങിയ’ അസ്ട്രോണമര് കമ്പനിയുടെ സിഇഒ ആന്ഡി ബൈറണ് രാജിവെച്ചു. ആന്ഡി ബൈറണ് രാജി സമര്പ്പിക്കുകയും ഡയറക്ടര് ബോര്ഡ് അത് അംഗീകരിക്കുകമായിരുന്നു. കമ്പനിയുടെ ഇടക്കാല സിഇഒ ആയി സഹസ്ഥാപകനും ചീഫ് പ്രൊഡക്ട് ഓഫീസറുമായ പീറ്റ് ഡി ജോയ്യെ നിയമിച്ചു.
അസ്ട്രോണമര് കമ്പനിയിലെ എച്ച് ആറിനൊപ്പം അടുത്തിടപഴകിക്കൊണ്ട് ആന്ഡി ബൈറണ് കോള്ഡ്പ്ലേയുടെ സംഗീതപരിപാടി കാണുന്ന വീഡിയോ കഴിഞ്ഞ ദിവസം വൈറലായിരുന്നു. ഇതിന്റെ അടിസ്ഥാനത്തിലാണ് കമ്പനി സിഇഒയ്ക്കെതിരെ നടപടി സ്വീകരിച്ചത്. ഇരുവരും പരസ്പരം ചേര്ത്തുപിടിച്ച് സംഗീതം ആസ്വദിക്കുന്ന ദൃശ്യം ലൈവ് വീഡിയോയില് വലിയ സ്ക്രീനില് പ്രദര്ശിപ്പിക്കുകയായിരുന്നു.
ക്യാമറയില് തങ്ങള് പതിഞ്ഞുവെന്ന് മനസിലായതോടെ ഇരുവരും ഒളിക്കാന് ശ്രമിക്കുന്നതും വീഡിയോയിലുണ്ട്. വീഡിയോ വൈറലായതിനു പിന്നാലെ ആന്ഡി ബൈറന്റെ ഭാര്യ മേഗന് കെറിഗന് തന്റെ ഫേസ്ബുക്ക് പ്രൊഫൈലില് നിന്ന് ബൈറണിന്റെ പേര് നീക്കുകയും സമൂഹമാധ്യമങ്ങളിലെ അക്കൗണ്ടുകള് ഡീആക്ടിവേറ്റ് ചെയ്യുകയും ചെയ്തിരുന്നു.
