റിയാദ്: സൗദി അറേബ്യന് തലസ്ഥാനമായ റിയാദിലുള്ള യുഎസ് എംബസിക്കുനേരെ ഇറാന്റെ ഡ്രോണ് ആക്രമണം. രണ്ട് ഡ്രോണുകള് എംബസിയില് പതിച്ചതായി സൗദി പ്രതിരോധ മന്ത്രാലയം സ്ഥിരീകരിച്ചു. കെട്ടിടത്തില് ചെറിയ തീപിടുത്തത്തിനും നാശനഷ്ടത്തിനും ഇത് കാരണമായെന്നും മന്ത്രാലയം വ്യക്തമാക്കി.
സൗദിയിലുള്ള പൗരന്മാരോട് ജാഗ്രത പാലിക്കാന് അമേരിക്ക അറിയിച്ചു. ഇതിനുള്ള തിരിച്ചടി എങ്ങനെയായിരിക്കുമെന്ന് കണ്ടറിയാമെന്നാണ് യുഎസ് പ്രസിഡന്റ് ഡൊണാള്ഡ് ട്രംപ് പ്രതികരിച്ചത്. ഗള്ഫ് രാജ്യങ്ങളിലെ യുഎസ് കേന്ദ്രങ്ങള് ലക്ഷ്യമാക്കിയുള്ള ഇറാന്റെ ആക്രമണം നാലാംദിനവും തുടരുകയാണ്.
