മലപ്പുറം: ഫെയർനെസ് ക്രീം ഉപയോഗിച്ചതിനെത്തുടർന്ന് 17-കാരിക്ക് ഗുരുതരമായ വൃക്കരോഗം ബാധിച്ച സംഭവത്തിൽ അരീക്കോട് പൊലീസ് അന്വേഷണം ആരംഭിച്ചു. പെൺകുട്ടിയുടെ വീട്ടിലെത്തിയ പൊലീസ് കുടുംബാംഗങ്ങളിൽ നിന്ന് വിവരങ്ങൾ ശേഖരിച്ചു.
പെൺകുട്ടി ഉപയോഗിച്ച ഫെയർനെസ് ക്രീമിന്റെ സാമ്പിൾ നാളെ പരിശോധനയ്ക്ക് അയക്കും. ക്രീമിൽ ആരോഗ്യത്തിന് ഹാനികരമായ ഘടകങ്ങൾ അടങ്ങിയിട്ടുണ്ടോയെന്ന് പരിശോധനയിലൂടെ കണ്ടെത്തും. സംഭവത്തിൽ ആവശ്യമായ നിയമനടപടികൾ സ്വീകരിക്കാനാണ് പൊലീസിന്റെ തീരുമാനം. ഇതിന്റെ ഭാഗമായി കേസെടുക്കുന്നതടക്കമുള്ള നടപടികളുമായി മുന്നോട്ടുപോകും.


