ബംഗളൂരു: ഇസ്താബുൾ കോൺഗ്രസ് സെന്റർ ഇന്ത്യൻ നാഷണൽ കോൺഗ്രസിന്റെ ഓഫീസ് എന്ന വ്യാജവാർത്ത നൽകിയ അർണാബ് ഗോസ്വാമിക്കും അമിത് മാളവ്യക്കും എതിരെ കേസ് എടുത്തു. ബംഗളുരു ഹൈ ഗ്രൗണ്ട്സ് പൊലീസാണ് കേസ് എടുത്തത്.
കർണാടക യൂത്ത് കോൺഗ്രസ് നൽകിയ പരാതിയിൽ ആണ് കേസ്. കോൺഗ്രസിനെതിരെ ദേശീയ വികാരം ആളിക്കത്തിച്ച് കലാപം ഉണ്ടാക്കാൻ ശ്രമിക്കുന്നു എന്ന് പരാതിയിൽ പറയുന്നു. വിവാദ ചിത്രത്തിലുള്ളത് ഇസ്താബുളിലെ ഒരു കൺവെൻഷൻ സെന്റര് ആണ്. അതിനെയാണ് കോൺഗ്രസ് ഓഫിസ് എന്ന തരത്തിൽ റിപ്പബ്ലിക് ചാനലും അമിത് മാളവ്യയും അടക്കമുള്ളവർ വ്യാജപ്രചരണം നടത്തിയത്.
