കണ്ണൂർ: കണ്ണൂർ പയ്യന്നൂരിൽ മകളെ വെട്ടിപ്പരിക്കേൽപ്പിച്ച അച്ഛൻ അറസ്റ്റിൽ. 22കാരിയായ മകളെ വാളുകൊണ്ട് വെട്ടാൻ ശ്രമിച്ചതിന് കരിവെള്ളൂർ സ്വദേശി കെ വി ശശിയെ ആണ് പൊലീസ് അറസ്റ്റ് ചെയ്തത്. അമ്മയെ ഉപദ്രവിച്ചത് മകൾ ചോദ്യം ചെയ്തതിന്റെ പേരിലായിരുന്നു ആക്രമണം.

തിങ്കളാഴ്‌ചയായിരുന്നു കേസിനാസ്‌പദമായ സംഭവം നടന്നത്. മദ്യപാനിയായ ശശി വീട്ടിൽ നിരന്തരം പ്രശ്നങ്ങളുണ്ടാക്കുമായിരുന്നു. സംഭവദിവസം ശശി മദ്യപിച്ചെത്തി വീട്ടിൽ വഴക്കുണ്ടാക്കുകയും പിന്നീടിത് കൈയ്യാങ്കളിയിൽ എത്തുകയും ഭാര്യയെ ശശി മർദ്ദിക്കുകയും ചെയ്തു. ഇത് തടയാനെത്തിയ മകളെ വാളുകൊണ്ട് വെട്ടാൻ ശ്രമിക്കുകയായിരുന്നു. കഴുത്തിനുനേരെ വാളോങ്ങിയപ്പോൾ യുവതി തലനാരിഴയ്ക്കാണ് രക്ഷപ്പെട്ടത്. ശശി മകളെയും മർദ്ദിച്ചു. പരിക്കേറ്റ അമ്മയും മകളും കരിവെള്ളൂരിലെ സ്വകാര്യ ആശുപത്രിയിൽ ചികിത്സ തേടി.