കൊല്ക്കത്ത: ടി20 ലോകകപ്പ് സെമി ഫൈനലില് ദക്ഷിണാഫ്രിക്കക്കെതിരെ തകര്പ്പന് വിജയവുമായി ന്യൂസിലന്ഡ്. റെക്കോഡ് വേഗത്തില് സെഞ്ചുറി നേടിയ ന്യൂസിലന്ഡ് ഓപ്പണര് ഫിന് അലന്റെ കരുത്തിലാണ് കിവീസിന്റെ ജയം. 33 പന്തില് പുറത്താവാതെ 100 റണ്സണ് അലന് നേടിയത്. അലന്റെ കരുത്തില് ദക്ഷിണാഫ്രിക്കയെ ഒമ്പത് വിക്കറ്റിന് തകര്ത്താണ് ഫൈനല് പ്രവേശനം.
ടോസ് നഷ്ടപ്പെട്ട് ബാറ്റിംഗിനെത്തിയ ദക്ഷിണാഫ്രിക്ക നിശ്ചിത ഓവറില് എട്ട് വിക്കറ്റ് നഷ്ടത്തില് 169 റണ്സാണ് നേടിയത്. മാര്കോ ജാന്സന്റെ (30 പന്തില് പുറത്താവാതെ 55) പ്രകടനമാണ് മാന്യമായ സ്കോറിലേക്ക് നയിച്ചത്. മറുപടി ബാറ്റിംഗില് ന്യൂസിലന്ഡ് 12.5 ഓവറില് ഒരു വിക്കറ്റ് മാത്രം നഷ്ടത്തില് ന്യൂസിലന്ഡ് ലക്ഷ്യം മറികടന്നു. ടി20 ലോകകപ്പിലെ വേഗമേറിയ സെഞ്ചുറിയാണ് അലന് പൂര്ത്തിയാക്കിയത്.
