എറണാകുളം: മുളന്തുരുത്തി തുപ്പംപടിയിൽ പ്രവർത്തിച്ചിരുന്ന കുടുംബശ്രീ സംരംഭമായ കഫേ & റസ്റ്ററന്റിൽ രാത്രി ഉണ്ടായ തീപിടിത്തത്തിൽ വ്യാപക നാശനഷ്ടം. മുളന്തുരുത്തി ഗ്രാമപഞ്ചായത്തിന് കീഴിൽ പ്രവർത്തിച്ചിരുന്ന ഈ സംരംഭം കുടുംബശ്രീ അംഗങ്ങളായ മൂന്ന് സ്ത്രീകൾ ചേർന്നാണ് ആരംഭിച്ചത്. ഏകദേശം ഒരു മാസം മുൻപാണ് റസ്റ്ററന്റ് പ്രവർത്തനം തുടങ്ങിയത്.
രാവിലെ കട തുറക്കാനെത്തിയപ്പോഴാണ് അകത്തുള്ള സാധനങ്ങൾ മുഴുവൻ കത്തി നശിച്ച നിലയിൽ കണ്ടെത്തിയത് എന്ന് ഉടമകൾ അറിയിച്ചു. പ്രാഥമിക നിഗമനപ്രകാരം ഷോർട്ട് സർക്യൂട്ടാണ് തീപിടിത്തത്തിന് കാരണമെന്നാണ് സൂചന. സംഭവത്തിൽ കൂടുതൽ നഷ്ടനിർണയവും അന്വേഷണവും പുരോഗമിക്കുകയാണ്.
