ആലപ്പുഴ : കടലിൽ മീൻപിടിത്തത്തിനിടെ ബോട്ടിൽനിന്ന് വീണ് മത്സ്യ തൊഴിലാളിയെ കാണാതായി. കാട്ടൂർ കോളേജ് ജങ്ഷന് സമീപം കറുകപ്പറമ്പ് ജോസഫ് ( സുനി-45) ആണ് തിങ്കൾ പുലർച്ചെ നാല് മണി ശേഷം കാണാതായത്.
മുനമ്പത്തുനിന്ന് ഞായർ വൈകിട്ട് ആറരയോടെയാണ് ജോസഫ് ഉൾപ്പെടെ 19 തൊഴിലാളികളാണ് മീൻ പിടിക്കാൻ പോയത് മത്സ്യ ബന്ധനത്തിടെ രാവിലെയാണ് ജോസഫിനെ കാണാതായതായി മറ്റുതൊഴിലാളികൾ മനസ്സിലാക്കുന്നത് .കാട്ടൂർ സ്വദേശിയായ അലോഷ്യസിൻ്റെ അൽഫോൺസ ബോട്ടിലാണ് ഇവർ മത്സ്യ ബന്ധനത്തിനു പുറപ്പെട്ടത് . ഫിഷറീസ് വകുപ്പിൻ്റ ബോട്ടും കോസ്റ്റ് ഗാർഡും തിരച്ചിൽ നടത്തുന്നു.
