തിരുവനന്തപുരം: സംസ്ഥാനത്ത് സ്വര്ണവില കുറഞ്ഞു. ഇന്ന് (12.05.25 ഒരു പവന് സ്വര്ണ്ണത്തിന് ഒറ്റയടിക്ക് 1320 രൂപയാണ് കുറഞ്ഞത്. ഇതോടെ സ്വര്ണ വില 71,040 രൂപയായി. ഒരു ഗ്രാം സ്വര്ണത്തിന് ഇന്ന് 165 രൂപയാണ് കുറഞ്ഞത്. സ്വര്ണം ഗ്രാമിന് 8,880 രൂപ എന്ന നിരക്കിലാണ് ഇന്നത്തെ വിപണന നിരക്ക്.
ഓഹരി വിപണിയിലെ ചലനങ്ങളും രാജ്യാന്തര വിപണിയിലെ മാറ്റങ്ങളുമാണ് സ്വര്ണ വിലയില് പ്രതിഫലിക്കുന്നതെന്നാണ് സാമ്പത്തിയ വിദഗ്ധര് പറയുന്നത്. ലോകത്തില് ഏറ്റവും വലിയ സ്വര്ണ ഉപഭോക്താക്കള് ഇന്ത്യയാണ്. ഓരോ വര്ഷവും ടണ് കണക്കിന് സ്വര്ണം രാജ്യത്ത് ഇറക്കുമതി ചെയ്യപ്പെടുന്നത്.
അതേസമയം, രാജ്യാന്തര വിപണിയില് സ്വര്ണത്തിന് വില കുറഞ്ഞാല് ഇന്ത്യയില് വില കുറയണമെന്ന് നിര്ബന്ധമില്ല. രൂപയുടെ മൂല്യം, പ്രാദേശികമായ ആവശ്യകത, ഇറക്കുമതി തീരുവ എന്നീ ഘടകങ്ങള് ഇന്ത്യയിലെ സ്വര്ണവില നിശ്ചയിക്കുന്നതില് പ്രധാന പങ്കുവഹിക്കും.
