മക്ക: വിശുദ്ധ ഹജ്ജ് തീര്‍ത്ഥാടനത്തിന് ഇന്ന് തുടക്കമാകും. തീർഥാടകർ ഇന്ന് (ദുൽഹജ് 8) മിനായിലെ കൂടാരങ്ങളിൽ പ്രാർത്ഥനയോടെ രാപാർക്കുന്നതോടെ ഈ വര്‍ഷത്തെ വിശുദ്ധഹജ്ജിന് ഔദ്യോഗിക തുടക്കമാകും. 5 നേരത്തെ നമസ്കാരം നിർവഹിച്ച് പ്രാർഥനകളോടെ തീർഥാടകർ നേരം വെളുപ്പിക്കും. ഒ​രു പ​ക​ൽ മു​ഴു​വ​ൻ അ​റ​ഫ​യി​ൽ ക​ഴി​ച്ചു​കൂ​ട്ടി, മു​സ്‌​ദ​ലി​ഫ​യി​ൽ അ​ന്തി​യു​റ​ങ്ങി വെ​ള്ളി​യാ​ഴ്ച മി​നാ​യി​ൽ തി​രി​ച്ചെ​ത്തും. 25 ലക്ഷം ചതുരശ്ര മീറ്റർ വിസ്തൃതിയിലുള്ള മിനാ താഴ്‌വാരത്തിൽ 2 ലക്ഷത്തോളം ശീതീകരിച്ച തമ്പുകളിലാണു തീർഥാടകരുടെ താമസം.

നാളെ പുലർച്ചെ തന്നെ തീർഥാടകർ അറഫയിലേക്കു നീങ്ങും. 1,22,422 തീ​ർ​ഥാ​ട​ക​രാ​ണ് ഹജ്ജില്‍ പങ്കെടുക്കാന്‍ ഇന്ത്യയില്‍ നിന്നെത്തിയത്. ഹ​ജ്ജ് സ​ർ​വി​സ് ക​മ്പ​നി​ക​ളാ​ണ് ബ​സ്​ മാ​ർ​ഗം ഹാ​ജി​മാ​രെ മി​നാ​യി​ലെ ത​മ്പു​ക​ളി​ൽ എ​ത്തി​ക്കു​ന്ന​ത്. മി​നാ​യി​ൽ കി​ങ്​ അ​ബ്​​ദു​ൽ അ​സീ​സ് പാ​ല​ത്തി​ന് ഇ​രു​വ​ശ​ത്തും കി​ങ്​ ഫ​ഹ​ദ്, സൂ​ഖു​ൽ അ​റ​ബ്, ജൗ​ഹ​റ റോ​ഡു​ക​ൾ​ക്കി​ട​യി​ലും ആ​ണ് ഇ​ന്ത്യ​ൻ ഹാ​ജി​മാ​ർ​ക്ക് താ​മ​സം ഒ​രു​ക്കി​യി​ട്ടു​ള്ള​ത്.

Content: Hajj officially begins today; 1,22,422 pilgrims from India will participate