തിരുവനന്തപുരം: പിണറായിയുടെ പാദസേവ ചെയ്യുന്ന ചുരുക്കം ചില ഉദ്യോഗസ്ഥരില് ഒരാളാണ് ദിവ്യ എസ് അയ്യർ എന്ന് കോൺഗ്രസ് നേതാവ് കെ മുരളീധരൻ. ഇന്നലെ സിപിഎം കണ്ണൂർ ജില്ലാ സെക്രട്ടറിയായി തെരഞ്ഞെടുക്കപ്പെട്ട കെ കെ രാഗേഷിനെ പ്രശംസിച്ച് ദിവ്യ എസ് അയ്യര് എത്തിയിരുന്നു ഇതിന് പിന്നാലെയാണ് രൂക്ഷ വിമർശനവുമായി കോൺഗ്രസ് നേതാവ് കെ മുരളീധരൻ രംഗത്തെത്തിയത് .
പിണറായിയുടെ പാദസേവ ചെയ്യുന്ന ചുരുക്കം ചില ഉദ്യോഗസ്ഥരില് ഒരാളാണ് ഈ മഹതിയെന്നാണ് ദിവ്യയെ കെ മുരളീധരന് വിമർശിച്ചത്. കൂടാതെ സോപ്പിടുമ്പോള് വല്ലാതെ പതപ്പിച്ചാല് ഭാവിയില് ദോഷം ചെയ്യുമെന്നും കെ മുരളീധരന് വിമർശിച്ചിരുന്നു
