തിരുവനന്തപുരം: സംസ്ഥാനത്ത് ശക്തമായ മഴ തുടരുകയാണ്. ഇന്ന് എറണാകുളം, തൃശ്ശൂർ, പാലക്കാട്, മലപ്പുറം, കോഴിക്കോട്, വയനാട്, കണ്ണൂർ, കാസർഗോഡ് ജില്ലകളിൽ ഓറഞ്ച് അലർട്ട് പ്രഖ്യാപിച്ചു. നാളെ വടക്കൻ ജില്ലകളിൽ റെഡ് അലർട്ട് പ്രഖ്യാപിച്ചിട്ടുണ്ടെന്ന് കാലാവസ്ഥ വകുപ്പും അറിയിച്ചു. മലപ്പുറം, കോഴിക്കോട്, വയനാട്, കണ്ണൂർ, കാസർഗോഡ് ജില്ലകളിൽ റെഡ് അലർട്ട് പ്രഖ്യാപിച്ചു. ചില നദികളിൽ പ്രളയ സാധ്യതയും മുൻകൂട്ടി അറിയിച്ചിട്ടുണ്ട്.
മഴയോടൊപ്പം ശക്തമായ കാറ്റ് വീശുന്നത് പല സ്ഥലത്തും വൻ നാശത്തിനിടയാക്കി. വടക്കൻ ജില്ലകളിൽ വെള്ളക്കെട്ട് രൂപപ്പെട്ടിട്ടുണ്ട്. ശക്തമായ മഴയും കാറ്റും തുടരും എന്ന പ്രവചനം ലഭിച്ചിട്ടുണ്ട്. കേരളത്തീരത്ത് മത്സ്യബന്ധനത്തിന് നിലവിലുള്ള വിലക്ക് തുടരുമെന്നും അധികൃതർ അറിയിച്ചു.
