വാരാണസി : വാരാണസി കാന്റ് റെയിൽവേ സ്റ്റേഷനിൽ വൻ തീ പിടിത്തം . 200 ലധികം ബൈക്കുകൾ കത്തി നശിച്ചു. റെയിൽവേ ജീവനക്കാർക്കുള്ള പാർക്ക് സ്ഥലത്താണ് തീപിടിത്തമുണ്ടായത്. സംഭവത്തിൽ ആളപായമൊന്നുമില്ല.

അഗ്നിശമന സേനയും റെയിൽവേ പൊലീസും രക്ഷാപ്രവർത്തനം നടത്തി. 2 മണിക്കൂർ എടുത്താണ് തീ അണച്ചത്. ഷോർട്ട് സർക്യൂട്ട് മൂലമാണ് തീപിടിത്തമുണ്ടായതെന്നാണ് പ്രാഥമിക നിഗമനം. രാത്രി 10.30 ഓടെയാണ് ഷോർട്ട് സർക്യൂട്ട് ഉണ്ടായത്. കത്തിനശിച്ച വാഹനങ്ങളിൽ ഏറെയും റെയിൽവേ ജീവനക്കാരുടേതാണ്.