തിരുവനന്തപുരം: സംസ്ഥാനത്ത് സ്വർണവിലയിൽ വൻ വർധനവ് രേഖപ്പെടുത്തി. 22 കാരറ്റ് ഒരു പവൻ സ്വർണത്തിന് ഉച്ചയ്ക്ക് ശേഷം 1,040 രൂപയാണ് കൂടിയത്. ഇതോടെ നിലവിൽ ഒരു പവൻ സ്വർണത്തിന്റെ വില 1,11,520 രൂപയായി.

ഇന്ന് രാവിലെ ഒരു പവൻ സ്വർണത്തിന് 1,10,480 രൂപയായിരുന്നു. അതിനുശേഷമാണ് വിലയിൽ വലിയ ഉയർച്ച ഉണ്ടായത്. ഓൾ കേരള ഗോൾഡ് മെർച്ചന്റ്സ് അസോസിയേഷൻ പുറത്തുവിട്ട കണക്കുകൾ പ്രകാരമാണ് പുതിയ വില. ഈ മാസം കേരളത്തിൽ ഏറ്റവും ഉയർന്ന സ്വർണവില ഏപ്രിൽ 19-നായിരുന്നു. അന്ന് അക്ഷയ തൃതീയ ദിനത്തിൽ ഒരു പവൻ സ്വർണത്തിന് 1,14,240 രൂപ വരെ എത്തിയിരുന്നു.