ഈസ്റ്റര് ദിനത്തില് പുതിയ സിനിമ പ്രഖ്യാപിച്ച് മലയാളത്തിലെ സൂപ്പര് ഹിറ്റ് സംവിധായകന് ജീത്തു ജോസഫ്. വലതു വശത്തെ കള്ളന് എന്ന് പേരിട്ടിരിക്കുന്ന ചിത്രത്തിന്റെ ടെറ്റില് പോസ്റ്റര് പുറത്തിറങ്ങി.
ഓഗസ്റ്റ് സിനിമ, സിനിഹോളിക്സ്, ബെഡ്ടൈം സ്റ്റോറീസ് തുടങ്ങിയ ബാനറുകളില് ഷാജി നടേശന് നിര്മ്മിക്കുന്ന ചിത്രത്തിന് തിരക്കഥയൊരുക്കുന്നത് ഡിനു തോമസ് ഈലന് ആണ്.’മുറിവേറ്റൊരു ആത്മാവിന്റെ കുമ്പസാരം’ എന്ന ടാഗ് ലൈനോടെയാണ് ‘വലതുവശത്തെ കള്ളന്’ ടൈറ്റില് ലുക്ക് പുറത്തിറക്കിയിരിക്കുന്നത്.
ഒരു കുറ്റാന്വേഷണ സിനിമയാണെന്നാണ് പോസ്റ്റര് നല്കുന്ന സൂചന. ഒരു മേശയില് പോലീസ് കേസ് ഫയലും കമ്പ്യൂട്ടറും വയര്ലെസും താക്കോല്കൂട്ടവും കണ്ണടയും ഇരിക്കുന്നതാണ് ടൈറ്റില് പോസ്റ്ററിലുള്ളത്. മേശയുടെ ഇരുവശങ്ങളില് രണ്ടുപേര് ഇരിക്കുന്നതായും ചെറിയ സൂചന പോസ്റ്ററിലുണ്ട്. ചിത്രത്തിലെ അഭിനേതാക്കളെ സംബന്ധിച്ച കൂടുതല് വിവരങ്ങള് വരും ദിവസങ്ങളില് പുറത്തുവിടാനിരിക്കുകയാണ് അണിയറപ്രവര്ത്തകര്. ബേസില് ജോസഫ് നായകനായെത്തിയ നുണക്കുഴിയാണ് ഏറ്റവും ഒടുവില് പുറത്തിറങ്ങിയ ജീത്തു ജോസഫ് ചിത്രം.
ദ്യശ്യം 3ക്ക് മുന്നേ പതിയ ചിത്രം തീയേറ്ററുകളിലെത്തുമെന്നാണ് ലഭിക്കുന്ന വിവരം.
