കോഴിക്കോട്: തൊഴിലാളി വിരുദ്ധമായ ലേബർ കോഡുകൾ നടപ്പാക്കാനുള്ള കേന്ദ്ര സർക്കാർ നീക്കത്തിനെതിരെ ഫറോക്ക് ടൗണിൽ സംയുക്ത ട്രേഡ് യൂണിയന്റെ നേതൃത്വത്തിൽ ശക്തമായ പ്രതിഷേധം അരങ്ങേറി. നൂറുകണക്കിന് തൊഴിലാളികൾ പങ്കെടുത്ത പ്രതിഷേധ പ്രകടനത്തിന്റെ ഭാഗമായി, ലേബർ കോഡുകളുടെ കോപ്പികൾ പരസ്യമായി കത്തിച്ചു.
സിഐടിയു ജില്ലാ സെക്രട്ടറി എം ഗിരീഷ് പ്രതിഷേധ യോഗം ഉദ്ഘാടനം ചെയ്തു. ഒ ഭക്തവത്സലൻ (എഐടിയുസി ബേപ്പൂർ മണ്ഡലം സെക്രട്ടറി) അധ്യക്ഷത വഹിച്ചു. കൂടാതെ, സിഐടിയു ജില്ലാ സെക്രട്ടറി കെ ജയപ്രകാശ്, ഏരിയ സെക്രട്ടറി എം സമീഷ് എന്നിവരും യോഗത്തിൽ സംസാരിച്ചു. പുതിയ ലേബർ കോഡുകൾ തൊഴിലാളികളുടെ അവകാശങ്ങളെ ഇല്ലാതാക്കുമെന്നും, സർക്കാർ ഈ നീക്കത്തിൽ നിന്ന് പിന്മാറണമെന്നും നേതാക്കൾ ആവശ്യപ്പെട്ടു.
