മിഷ്ടി ദോയ് (Mishti Doi) ഒരു പ്രശസ്തമായ ബംഗാളി സമ്മർ ഡെസേർട്ടാണ്. ഇത് വളരെ സ്മൂത്ത്, ക്രീമി, കാരമൽ ഫ്ലേവർ ഉള്ള, മധുരമുള്ള തൈര് ആണ്. ബംഗാളിലെ പരമ്പരാഗത ഡെസേർട്ടായ മിഷ്ടി ദോയ്, പാൽ, പഞ്ചസാര (അഥവാ ജാഗ്രി), തൈര് എന്നിവ ഉപയോഗിച്ച് ഉണ്ടാക്കുന്നു. സാധാരണയായി മൺചട്ടിയിൽ വച്ച് സെറ്റ് ചെയ്യുന്നതാണ് ഇതിന്റെ സ്പെഷൽ രുചിക്ക് കാരണം.

ചേരുവകൾ

പാൽ – 1 ലിറ്റർ

പഞ്ചസാര – 4–5 ടേബിൾസ്പൂൺ (അല്ലെങ്കിൽ ശർക്കര)

തൈര് – 2 ടേബിൾസ്പൂൺ

തയാറാക്കുന്ന വിധം

പാൽ കുറച്ച് കട്ടിയാകുന്നത് വരെ ചെറുതീയിൽ തിളപ്പിക്കുക. ഒരു പാനിൽ പഞ്ചസാര ചൂടാക്കി കാരമൽ ഉണ്ടാക്കുക. ഈ കരാമൽ തിളച്ചു കുറുക്കിയ പാലിൽ ചേർത്ത് നന്നായി കലക്കുക. മിശ്രിതം അല്പം തണുത്തതിന് ശേഷം തൈര് ചേർക്കുക. ഇത് ഒരു കിണ്ണത്തിൽ അല്ലെങ്കിൽ മൺചട്ടിയിൽ ഒഴിച്ച് 6–8 മണിക്കൂർ ഫ്രി‍‍‍‍‍ജിൽ വച്ച് തണുപ്പിച്ച് സർവ് ചെയ്യുക.

ഇത് വേനൽക്കാലത്തു കഴിക്കാൻ വളരെ ഉത്തമമാണ്. തണുപ്പും ക്രീമി ടെക്സ്ചറും ശരീരത്തെ തണുപ്പിക്കുന്നു. വളരെ വേഗം ദഹിക്കും. കൂടാതെ മധുരം കുറഞ്ഞതുകൊണ്ട് ഹെവി ആയി തോന്നില്ല, മൺചട്ടി ഉപയോഗിച്ചാൽ ഓത്തെന്റിക് ടേസ്റ്റ് കിട്ടും. ശർക്കര ഉപയോഗിച്ചാൽ കൂടുതൽ നാടൻ ഫ്ലേവർ കിട്ടും. ഫ്രിജിൽ വച്ചിട്ട് കഴിക്കുന്നതാണ് കൂടുതൽ രുചി.