തൃശ്ശൂർ: പ്രശസ്ത കഥാകാരി കെ. സരസ്വതിയമ്മയുടെ അൻപതാം ചരമവാർഷികത്തോടനുബന്ധിച്ച് തിരുവനന്തപുരം കെ. സരസ്വതിയമ്മ അനുസ്മരണസമിതിയുടെ ആഭിമുഖ്യത്തിൽ സെമിനാർ, ശില്പശാല, നാടകാവതരണം തുടങ്ങി ഒരു വർഷം നീണ്ടുനിൽക്കുന്ന 100 പരിപാടികൾ ആസൂത്രണം ചെയ്ത് നടപ്പിലാക്കുന്നു. അതിലെ രണ്ടാമത്തെ പരിപാടിയായ കെ. സരസ്വതിയമ്മ അനുസ്മരണ പ്രഭാഷണം ചാലക്കുടി പനമ്പിള്ളി മെമ്മോറിയൽ ഗവൺമെന്റ് കോളേജിൽ നടത്തി.

അനുസ്മരണ സമ്മേളനം പ്രിൻസിപ്പാൾ ഡോ. ഷാജു കെ. എസ് ഉദ്ഘാടനം ചെയ്തു. ശ്രീകേരളവർമ്മകോളേജിലെ മലയാളം അധ്യാപിക ഡോ. ബ്രില്ലിറാഫേൽ അനുസ്മരണ പ്രഭാഷണം നടത്തി. ഡോ. ജയകുമാർ എസ്. എസ്, ഡോ. സോമലാൽ ടി. എം., ഡോ. ധന്യ ഇല്ലത്ത്, നന്ദനഭാസ്കരൻ, അഖില എന്നിവർ പ്രസംഗിച്ചു.