കൊച്ചി: അന്തരിച്ച നടന് ശ്രീനിവാസന്റെ സംസ്കാര ചടങ്ങുകള് രാവിലെ 10 മണിക്ക് തൃപ്പൂണിത്തുറ കണ്ടനാട്ടെ വീട്ടുവളപ്പില് നടക്കും.
ഇന്നലെ രാവിലെ ഡയാലിസിസിനായി സ്വകാര്യ ആശുപത്രിയിലേക്ക് കൊണ്ടുപോകും വഴി ശ്വാസതടസം അനുഭവപ്പെട്ട ശ്രീനിവാസനെ തൃപ്പൂണിത്തുറ താലൂക്ക് ആശുപത്രിിയില് പ്രവേശിപ്പിച്ചതിന് പിന്നാലെയാണ് മരണം സംഭവിച്ചത്.
ടൗണ് ഹാളിലും വീട്ടിലുമായി പൊതുദര്ശനത്തിന് വെച്ച മൃതദേഹത്തില് അന്ത്യാഞ്ജലി അര്പ്പിക്കാന് നിരവധിപ്പേരാണ് എത്തിച്ചേര്ന്നത്.
ദീര്ഘകാലമായി അസുഖ ബാധിതനായി ഉദയംപേരൂരിലെ വീട്ടില് വിശ്രമത്തിലായിരുന്നു ശ്രീനിവാസന്.
ഡയാലിസിസിനായി സ്വകാര്യ ആശുപത്രിയിലേക്ക് കൊണ്ടുപോകും വഴി ശ്വാസതടസം അനുഭവപ്പെട്ടു.
തുടര്ന്ന് തൃപ്പൂണിത്തുറ താലൂക്ക് ആശുപത്രിയില് പ്രവേശിപ്പിച്ചു. രാവിലെ 8.30 യോടെ മരണം സ്ഥിരീകരിച്ചു.
ആശുപത്രിയില് നിന്ന് കണ്ടനാട്ടെ വീട്ടിലേക്ക് മൃതദേഹം എത്തിച്ചപ്പോള് അദ്ദേഹത്തെ അവസാനമായി ഒന്നുകാണാന് എത്തിച്ചേര്ന്നത് നിരവധിപ്പേരാണ്. വൈകാരിക രംഗങ്ങള്ക്കാണ് അദ്ദേഹത്തിന്റെ വീട് സാക്ഷിയായത്.
