മസ്കത്ത്: തൊഴില് കരാര് കാലാവധി കഴിഞ്ഞതിനെ തുടര്ന്ന് യെമനില് കുടുങ്ങിയ മലയാളി കുടുംബം ഉടന് നാട്ടിലേക്കു മടങ്ങും.ഇടുക്കി സ്വദേശിനി അഞ്ജനയും ഭര്ത്താവും കുഞ്ഞുമാണ് നാട്ടിലേക്കു മടങ്ങുക.തെക്കന് യമനിലെ ഏദനില് സര്ക്കാര് നിയന്ത്രണത്തിലുള്ള സ്വകാര്യ ആശുപത്രിയില് ജോലി ചെയ്തിരുന്ന ഇവര് തൊഴില്കരാര് കാലാവധി കഴിഞ്ഞതിനെ തുടര്ന്ന് നാട്ടിലേക്കു മടങ്ങാനാവാതെ യമനില് കുടുങ്ങുകയായിരുന്നു.
യെമനില് ഇന്ത്യന് എംബസി ഇല്ലാത്തതിനാല് കഴിഞ്ഞ വര്ഷം ഓഗസ്റ്റില് ജനിച്ച മകനു പാസ്പോര്ട്ട് എടുക്കാന് കഴിഞ്ഞിരുന്നില്ല. സാമൂഹിക പ്രവര്ത്തകരുടെ ഇടപെടലില് റിയാദ് ഇന്ത്യന് എംബസിയാണ് എമര്ജന്സി പാസ് അനുവദിച്ചത്. കോണ്സുലര് സേവനങ്ങള്ക്കായി സനായില് തുറന്ന താല്ക്കാലിക കേന്ദ്രവും പിന്നീട് അടച്ചു.
