സ്ത്രീപക്ഷ സിനിമയായ രാജകുമാരിയുടെ ടൈറ്റില് പോസ്റ്റര് പ്രശസ്ത നടി മഞ്ജു വാര്യരുടെ ഒഫീഷ്യല് പേജിലൂടെ പ്രകാശനം ചെയ്തു.നവാഗതനായ ഉണ്ണിദാസ് കൂടത്തില് തിരക്കഥയെഴുതി സംവിധാനം ചെയ്യുന്ന ഈ ചിത്രം നല്ല സിനിമ പ്രൊഡക്ഷന് സ്പിന്റെ ബാനറില് ഫറാസ് മുഹമ്മദ്, ഫഹദ് സിദ്ദിഖ്, ഫയാസ് മുഹമ്മദ് എന്നിവരാണ് ചിത്രം നിര്മ്മിക്കുന്നത്.എക്സിക്കുട്ടീവ് പ്രൊഡ്യൂസര്- അഷ്നാ റഷീദ്.
ഒരു പെണ്കുട്ടി വിവാഹിതയായി പുതിയൊരു തറവാട്ടിലേക്ക് കടന്നു വരുന്നത് വലിയ സ്വപ്നങ്ങളുമായിട്ടാണ്. അത്തരത്തിലുള്ള ഒരു കഥാപാത്രമാണ് ഈ ചിത്രത്തിലെ ജാനകി .ഇങ്ങനെയൊരു സ്ത്രീ പക്ഷ സിനിമയിലേക്ക് അണിയറ പ്രവര്ത്തകരെ എത്തിച്ചത് കേരളീയ സമൂഹത്തെ ഞെട്ടിച്ച ഒരു യഥാര്ത്ഥ സംഭവത്തില് നിന്നും പ്രചോദനമുള്ക്കൊണ്ടു കൊണ്ടാണന്ന് സംവിധായകന് ഉണ്ണിദാസ് കൂടത്തില് പറഞ്ഞു.
ജോസഫ് എന്ന സിനിമയിലൂടെ മികച്ച നടിയായി തെളിയിച്ച ആത്മീയ യാണ് ഈ ചിത്രത്തിലെ നായിക കഥാപാത്രമായ ജാനകിയെ അവതരിപ്പിക്കുന്നത്. തികച്ചും ത്രില്ലര് മൂഡിലാണ് ഈ ചിത്രത്തിന്റെ അവതരണം. പുതുമുഖം ഫഹദ് സിദ്ദിഖ് ആണ് ഈ ചിത്രത്തിലെ നായകന്.ശ്രീജിത്ത് രവി, സെന്തില് കൃഷ്ണ. കുടശ്ശനാട് കനകം, വീണാ നായര്, രാജേഷ് കണ്ണൂര്, ഋതു മന്ത്ര, എന്നിവരും പ്രധാന വേഷങ്ങളിലെത്തുന്നു.
