ന്യൂഡല്ഹി: വീട്ടുജോലി എടുപ്പിക്കാന് വേണ്ടിയല്ല വിവാഹം കഴിക്കേണ്ടതെന്ന് സുപ്രീംകോടതി. വിവാഹം കഴിക്കുന്നത് വേലക്കാരിയെയല്ല, മറിച്ച് ജീവിത പങ്കാളിയെയാണെന്നും സുപ്രീം കോടതി പറഞ്ഞു. പാചകം അടക്കമുള്ള ജോലികള് ചെയ്യാത്ത സ്ത്രീ ക്രൂരയല്ല. അടുക്കള, അലക്ക് അടക്കമുള്ള ജോലികള് പുരുഷന്മാരും ചെയ്യണമെന്നും കോടതി പറഞ്ഞു.
വിവാഹമോചനക്കേസ് പരിഗണിക്കവെ ജസ്റ്റിസ് സന്ദീപ് മേത്തയാണ് ഈ നിരീക്ഷണം നടത്തിയത്. വിവാഹം കഴിഞ്ഞ് ഒരു മാസത്തിനുള്ളില് ഭാര്യയുടെ സ്വഭാവം മാറിയെന്നും തന്നെയും മാതാപിതാക്കളെയും അസഭ്യം പറയുകും മോശമായി പെരുമാറിയെന്നും പറഞ്ഞാണ് യുവാവ് വിവാഹമോചന ഹര്ജി ഫയല് ചെയ്തത്. ഭാര്യ ഭക്ഷണം പാചകം ചെയ്യാന് വിസമ്മതിച്ചതായും ഇയാള് ആരോപിച്ചിരുന്നു.
ആരോപണങ്ങള് ഭാര്യ തള്ളി. ഭര്ത്താവിന്റെയും മാതാപിതാക്കളുടെയും സമ്മതത്തോടെയാണ് പ്രവസത്തിനായി സ്വന്തം വീട്ടിലേക്ക് പോയതെന്നും എന്നാല് ചടങ്ങിന് പങ്കെടുക്കാതെ പണലും സ്വര്ണവും ആവശ്യപ്പെട്ട് പീഡിപ്പിക്കുകയായിരുന്നുവെന്നും ഭാര്യ കോടതിയില് പറഞ്ഞു.
