ഇടുക്കി : മധ്യവയസ്കനെ റോഡരികില് ദുരൂഹ സാഹചര്യത്തില് മരിച്ച നിലയില് കണ്ടെത്തി. രാജകുമാരി മഞ്ഞകുഴി സ്വദേശി മോളകുടിയില് രമേശി (56)നെയാണ് മരിച്ച നിലയില് കണ്ടെത്തിയത്. രാവിലെ സമീപവാസികളാണ് മഞ്ഞകുഴി-വാതുകാപ്പ് റോഡരികില് മൃതദേഹം കണ്ടത്. കമിഴ്ന്നുകിടക്കുന്ന നിലയിലായിരുന്നു മൃതദേഹം. സമീപത്ത് നിന്നും ഒരു കോടാലിയും പൊലീസ് കണ്ടെത്തിട്ടുണ്ട്. ദേഹത്ത് പരിക്കുകളോ മുറിവുകളോ ഇല്ല.
ശാന്തന്പാറ പൊലീസ് മേല്നടപടികള് സ്വീകരിച്ചു. ഇന്ക്വസ്റ്റ് പൂര്ത്തിയായ ശേഷം മൃതദേഹം പോസ്റ്റ്മാര്ട്ടത്തിനയക്കും. രണ്ട് വര്ഷമായി ഇയാള് ഒറ്റക്കാണ് താമസിക്കുന്നത്. വീട്ടില് നിന്നും 30 മീറ്റര് മാറി റോഡരുകിലാണ് മൃതദേഹം കണ്ടത്. രമേശന് അപസ്മാര രോഗ ബാധിതനായിരുന്നെന്ന് പോലീസ് പറഞ്ഞു. പൊലീസ് അന്വേഷണം ആരംഭിച്ചു.
