മുംബൈ: മിനി ഇന്ത്യ കണ്ട്രിമാന് ഇ ജോണ് കൂപ്പര് വര്ക്ക്സ് (ജെസിഡബ്ല്യു) പായ്ക്ക് ഇന്ത്യന് വിപണിയില് അവതരിപ്പിച്ചു. 62 ലക്ഷം രൂപ പ്രാരംഭ എക്സ്-ഷോറൂം വിലയില് ആണ് വാഹനം പുറത്തിറക്കിയത്. 20 യൂണിറ്റുകള് മാത്രമേ ഇന്ത്യന് വിപണിയില് വില്പനനടത്തുകയുള്ളു.
മാത്രമല്ല മിനി ഓണ്ലൈന് ഷോപ്പ് വഴി മാത്രമായിരിക്കും ലഭ്യമാകുക. ഈ മാസം 10 ഡെലിവറി ആരംഭിക്കാനാണ് കമ്പനി പദ്ധതിയിടുന്നത്.
204 എച്ച്പി മോട്ടോറാണ് മിനി കണ്ട്രിമാന് ഇ ജോണ് കൂപ്പര് വര്ക്ക്സ് പായ്ക്കിന്റെ ഹൃദയം. ഈ എഞ്ചിന് പരമാവധി 250 എന്എം ടോര്ക്ക് ഉത്പാദിപ്പിക്കുന്നു. ഇത് കാറിന് 8.6 സെക്കന്ഡിനുള്ളില് പൂജ്യത്തില് നിന്ന് 100 കിലോമീറ്റര് വേഗത കൈവരിക്കാന് പ്രാപ്തമാക്കുന്നു. ഒറ്റ ചാര്ജില് 462 കിലോമീറ്റര് വരെ സാക്ഷ്യപ്പെടുത്തിയ ഡ്രൈവിംഗ് റേഞ്ച് വാഗ്ദാനം ചെയ്യുന്ന 66.45 സണവ ലിഥിയം-അയണ് ബാറ്ററിയും ഈ കാറില് ഉണ്ട്.
വാഹനത്തിന്റെ സുരക്ഷാ സവിശേഷതകളില് ഫ്രണ്ട് പാസഞ്ചര്, സൈഡ് കര്ട്ടന് എയര്ബാഗുകള്, ബ്രേക്ക് അസിസ്റ്റ്, ഡൈനാമിക് സ്റ്റെബിലിറ്റി കണ്ട്രോള്, ആന്റി-ലോക്ക് ബ്രേക്കിംഗ് സിസ്റ്റം, കോര്ണറിംഗ് ബ്രേക്ക് കണ്ട്രോള്, റിയര് വ്യൂ ക്യാമറ തുടങ്ങിയവ ഉള്പ്പെടുന്നു. കൂടാതെ, 360 ഡിഗ്രി ക്യാമറ ശേഷികള് വാഗ്ദാനം ചെയ്യുന്ന ക്രൂയിസ് കണ്ട്രോള്, പാര്ക്കിംഗ് അസിസ്റ്റന്റ് പ്ലസ് എന്നിവ നൂതന സഹായ സംവിധാനങ്ങളില് ഉള്പ്പെടുന്നു.
