തിരുവനന്തപുരം: ഭരണപരിഷ്കാര ചെയർമാൻ സ്ഥാനവുമായി ബന്ധപ്പെട്ട വിവരം പത്രങ്ങളിലൂടെയാണ് അറിഞ്ഞതെന്ന് മുസ്ലിം ലീഗ് നേതാവ് എം.കെ. മുനീർ. ഇതുസംബന്ധിച്ച കാബിനറ്റ് ബ്രീഫിങ് ലഭിച്ചിട്ടില്ലെന്നും മുഖ്യമന്ത്രി ഔദ്യോഗികമായി അറിയിച്ചാൽ മാത്രമേ വിഷയത്തിൽ പ്രതികരിക്കാനാകൂവെന്നും മുനീർ പറഞ്ഞു.
പദവി ഏറ്റെടുക്കാൻ താൻ പിന്നാലെ പോയിട്ടില്ലെന്നും കാബിനറ്റ് തീരുമാനത്തിൽ തനിക്ക് പങ്കാളിത്തമില്ലെന്നും അദ്ദേഹം വ്യക്തമാക്കി. തന്നോട് ഇക്കാര്യം പറയേണ്ട സാഹചര്യമില്ലെന്നും മുനീർ പറഞ്ഞു.
യുഡിഎഫ് കൺവീനർ അടൂർ പ്രകാശ് നടത്തിയ പരാമർശങ്ങളെക്കുറിച്ച് പ്രതികരിക്കാനില്ലെന്നും എല്ലാവർക്കും അഭിപ്രായം പറയാനുള്ള സ്വാതന്ത്ര്യമുണ്ടെന്നും മുനീർ വ്യക്തമാക്കി.
ഭരണപരിഷ്കാര ചെയർമാൻ സ്ഥാനത്തിനായി കോൺഗ്രസ് അവകാശവാദം ഉന്നയിച്ചിട്ടുണ്ടോ എന്ന കാര്യം തനിക്കറിയില്ലെന്നും എം.കെ. മുനീർ പറഞ്ഞു.
