ഇന്ഡോര്: മഹാ കുംഭമേളയിലൂടെ വൈറലായ മൊണാലിസ ഭോസ്ലയുടെ വിവാഹം നിയമക്കുരുക്കിലേക്ക്. മൊണാലിസയുടെ ഭര്ത്താവ് ഫര്മാന് ഖാനെതിരെ പോക്സോ കേസെടുത്തു. മൊണാലിസയ്ക്ക് പ്രായപൂര്ത്തിയായിട്ടില്ലെന്ന ദേശീയ പട്ടികവര്ഗ കമ്മീഷന്റെ(എന്സിഎസ്ടി) കണ്ടെത്തലിന് പിന്നാലെയാണ് നടപടി.
എന്സിഎസ്ടി നടത്തിയ അന്വേഷണത്തിലാണ് വിവാഹസമയത്ത് പ്രായപൂര്ത്തിയായിരുന്നില്ല എന്ന് കണ്ടെത്തിയിരിക്കുന്നത്. ഇതിനെത്തുടര്ന്ന് മധ്യപ്രദേശിലെ ഖാര്ഗോണ് ജില്ലയിലെ മഹേശ്വര് പൊലീസ് സ്റ്റേഷനില് ഫര്മാന് ഖാനെതിരെ പോക്സോ നിയമപ്രകാരം എഫ്ഐആര് രജിസ്റ്റര് ചെയ്തു.
മൊണാലിസയും ഫര്മാന് ഖാനും തമ്മിലുള്ള വിവാഹം പ്രണയവിവാഹമായാണ് സോഷ്യല് മീഡിയയില് ആഘോഷിക്കപ്പെട്ടത്. എന്നാല് പെണ്കുട്ടിയുടെ പ്രായത്തെക്കുറിച്ച് പരാതി ഉയര്ന്നതോടെ എന് സി എസ് ടി കേരളത്തിലും മധ്യപ്രദേശിലുമായി വിശദമായ അന്വേഷണം നടത്തുകയായിരുന്നു.
