തിരുവനന്തപുരം: മെസേജിങ് ആപ്പായ വാട്സ്ആപ്പ് പുതിയ ഫീച്ചറുമായി രംഗത്ത്. ഇനി ഉപയോക്താക്കൾക്ക് വാട്സ്ആപ്പ് വഴി തന്നെ മൊബൈൽ റീചാർജ് ചെയ്യാൻ സാധിക്കും. പുതിയ സംവിധാനം പേയ് യു എന്ന പേയ്മെന്റ് സംവിധാനവുമായി ബന്ധിപ്പിച്ചാണ് ഒരുക്കുന്നത്. ആൻഡ്രോയ്ഡ്, ഐഒഎസ് ഉപയോക്താക്കൾക്കായി ഈ ഫീച്ചർ അടുത്ത ആഴ്ചകളിൽ ലഭ്യമാകുമെന്ന് കമ്പനി അറിയിച്ചു. ഇതിലൂടെ സ്വന്തം നമ്പറിലേക്കോ മറ്റുള്ളവരുടെ നമ്പറിലേക്കോ റീചാർജ് ചെയ്യാൻ സാധിക്കും. ആദ്യ ഘട്ടത്തിൽ ജിയോ, എയർടെൽ, വി ഉപഭോക്താക്കൾക്കാണ് സേവനം ലഭ്യമാകുക.
വാട്സ്ആപ്പ് ഇതിനു മുൻപ് പണം അയക്കാനുള്ള സംവിധാനവും ഒരുക്കിയിരുന്നു. അതിന് പുറമെയാണ് ഇപ്പോൾ റീചാർജ് സൗകര്യവും അവതരിപ്പിക്കുന്നത്. റീചാർജ് ചെയ്യാൻ, വാട്സ്ആപ്പിൽ രൂപ ചിഹ്നമുള്ള ഐക്കണിൽ ക്ലിക്ക് ചെയ്ത് പ്രീപെയ്ഡ് ഓപ്ഷൻ തിരഞ്ഞെടുക്കണം. തുടർന്ന് മൊബൈൽ ഓപ്പറേറ്ററും പ്ലാനും തെരഞ്ഞെടുക്കി പേയ്മെന്റ് പൂർത്തിയാക്കിയാണ് റീചാർജ് ചെയ്യേണ്ടത്.
