തിരുവനന്തപുരം: ദേശീയ വിദ്യാഭ്യാസ നയം കേരളത്തില് ഉടനീളം നടപ്പിലാക്കുമെന്ന് വ്യവസ്ഥ ചെയ്യുന്ന പി എം ശ്രീ ധാരണാപത്രം ജനാധിപത്യ വിരുദ്ധമായി സംസ്ഥാന സര്ക്കാര് ഒപ്പ് വെച്ചതില് പ്രതിഷേധിച്ച് വിദ്യാഭ്യാസ സ്നേഹികള് ധാരണപത്രം കത്തിച്ചു.
അഖിലേന്ത്യ സേവ് എജുക്കേഷന് കമ്മിറ്റി സെക്രട്ടേറിയറ്റിനു മുന്നില് സംഘടിപ്പിച്ച പ്രതിഷേധ യോഗം സംസ്ഥാന പ്രസിഡന്റ് പ്രൊഫ. ജോര്ജ്ജ് ജോസഫ് ഉദ്ഘാടനം ചെയ്തു.
സര്ക്കാര് ഇപ്പോള് പ്രഖ്യാപിച്ചിരിക്കുന്ന കമ്മിറ്റി ഒരു പ്രഹസനം മാത്രമാണ്. പി. എം. ശ്രീ പദ്ധതിയുടെ മാത്രമല്ല ജനാധിപത്യ വിരുദ്ധമായ NEP കേരളത്തില് ഒളിച്ചു കടത്താനായി സംസ്ഥാന സര്ക്കാര് നടത്തിയ നീക്കമാണ് ഈ ധാരണപത്രമെന്നും, പൂര്ണമായും ഈ പദ്ധതിയില് നിന്നും സര്ക്കാര് പിന്മാറുന്നത് വരെ സംസ്ഥാന വ്യാപകമായ പ്രതിഷേധം തുടരുമെന്നും ധാരണാ പത്രം കത്തിച്ചു കൊണ്ട് ശ്രീ എം. ഷാജര് ഖാന് പറഞ്ഞു.
സംസ്ഥാന സെക്രട്ടറി ഇ. എന്. ശാന്തിരാജ് അധ്യക്ഷത വഹിച്ച യോഗത്തില് പ്രൊഫ. എം. പി. മത്തായി, ആര്എംപി നേതാവ് കെ. എസ്. ഹരിഹരന്, പ്രൊഫ. എം. ജ്യോതിരാജ് (കോളജിയേറ്റ് എഡുക്കേഷന് മുന് അഡീഷണല് ഡയറക്ടര്), പ്രൊഫ. പി. എന്. തങ്കച്ചന്, പ്രൊഫ. ഫ്രാന്സിസ് കളത്തിങ്കല്, ഡോ. വൈ. ജോണ്സണ്, എന്. ടെന്നിസണ്, ജെതിന് ആര് ( AIDSO സംസ്ഥാന കമ്മിറ്റി അംഗം), സൗഭാഗ്യ കുമാരി ( AIMSS സംസ്ഥാന പ്രസിഡന്റ് ) എം. പ്രദീപന്, മാനവ് ജ്യോതി തുടങ്ങിയവര് പ്രസംഗിച്ചു.
