പാലക്കാട്: പെൺകുട്ടി ഹോസ്റ്റൽ മുറിയിൽ ആത്മഹത്യ ചെയ്തു. കല്ലേക്കാട് വ്യാസ വിദ്യാപീഠം സ്കൂളിലെ പ്ലസ് വണ് വിദ്യാർഥിനി രുദ്ര രാജേഷിനെയാണ് തൂങ്ങിമരിച്ച നിലയില് കണ്ടെത്തിയത്. ഒറ്റപ്പാലം വരോട് സ്വദേശിനിയാണ് മരിച്ചത്. സീനിയർ വിദ്യാർഥികളുടെ റാഗിങ്ങാണ് മകള് ജീവനൊടുക്കാന് കാരണമെന്ന് പിതാവ് രാജേഷ് പറഞ്ഞു. സ്കൂളിൽ റാഗിങ് നടക്കുന്നുണ്ടെന്ന് മകൾ പറഞ്ഞിരുന്നതായും രാജേഷ് പ്രതികരിച്ചു. സംഭവത്തിൽ പാലക്കാട് നോർത്ത് പൊലീസ് അന്വേഷണം ആരംഭിച്ചിട്ടുണ്ട്.
വിദ്യാലയത്തിനുള്ളിൽ നിരന്തരം റാഗിംഗ് നടക്കുന്നുണ്ടെന്നും താൻ അതിനെ ഇരയാകുന്നുണ്ടെന്നും മകൾ പിതാവിനോട് പറഞ്ഞിരുന്നതായും ഇതുൾപ്പെടെ കാണിച്ച് മാനേജ്മെന്റിനും അധ്യാപകർക്കും നൽകിയ പരാതിയിൽ ഒരു നടപടിയും അടുത്തില്ലെന്നും രാജേഷ് മുഖ്യമന്ത്രിക്ക് ഉൾപ്പെടെ നൽകിയ പരാതിയിൽ സൂചിപ്പിക്കുന്നുണ്ട്. റാഗിങ് കാരണം മകൾ കടുത്ത മാനസിക സംഘർഷത്തിലായിരുന്നു. ഇതാണ് അവളെ മരണത്തിലേക്ക് തള്ളി വിട്ടതെന്നും രാജേഷ് കത്തിൽ വ്യക്തമാക്കി. പരാതി അതീവ ഗൗരവത്തോടെ പരിഗണിക്കണമെന്നും നിയമപ്രകാരം ഉടനടി നടപടി സ്വീകരിക്കണമെന്നും രാജേഷ് പറഞ്ഞു.
