തിരുവനന്തപുരം: സിഎംആര്എല് സാമ്പത്തിക ഇടപാട് കേസില് പിണറായി വിജയനെതിരായ അന്വേഷണം നടത്താന് തീരുമാനിച്ചെന്ന് സ്ഥിരീകരിച്ച് ആഭ്യന്തരമന്ത്രി രമേശ് ചെന്നിത്തല. ഇഡി ഡിജിപിക്ക് നല്കിയ കത്തില് സര്ക്കാര് അഡ്വക്കേറ്റ് ജനറലിനോട് നിയമോപദേശം തേടിയിരുന്നു. ആ നിയമോപദേശത്തിന്റെ അടിസ്ഥാനത്തില് മുഖ്യമന്ത്രിയുമായി നടത്തിയ ചര്ച്ചയ്ക്ക് ശേഷമാണ് അന്വേഷണം നടത്താന് തീരുമാനിച്ചത്. എഫ്ഐആര് ഇടാതെ പ്രാഥമികാന്വേഷണം നടത്താനാണ് തീരുമാനമെന്നും ചെന്നിത്തല മാധ്യമങ്ങളോട് സ്ഥിരീകരിച്ചു.
അന്വേഷണം നടത്താന് ഡിജിപിക്ക് നിര്ദേശം നല്കിയിട്ടുണ്ട്. അതിന്റെ ഉത്തരവ് ഉടന് പുറത്തിറങ്ങും. ഏതു തരത്തിലുള്ള അന്വേഷണമാണ് വേണ്ടത് എന്ന് ഡിജിപി തീരുമാനിക്കുമെന്നും മന്ത്രി രമേശ് ചെന്നിത്തല പറഞ്ഞു. ക്രൈംബ്രാഞ്ചിന് അന്വേഷണം കൈമാറിയേക്കുമെന്നാണ് റിപ്പോര്ട്ടുകള്.
ഹവാല പോലുള്ള ആരോപണങ്ങളില് ഡിജിപിക്ക് പരാതി നല്കാന് ഇഡിക്ക് അവകാശമുണ്ട്. പിഎംഎല്എ വകുപ്പിലെ 66 (2) അനുസരിച്ച്, അന്വേഷണത്തില് കിട്ടിയ വിവരങ്ങള് ലോ എന്ഫോഴ്സിങ് ഏജന്സിക്ക് കൈമാറുക ഇഡിയുടെ ചുമതലയാണ്. അതനുസരിച്ചാണ് ഇഡി ഡിജിപിക്ക് കത്തു നല്കിയതെന്ന് മന്ത്രി രമേശ് ചെന്നിത്തല വ്യക്തമാക്കി.
