പാലക്കാട്: നടനും സംവിധായകനും സ്റ്റാന്ഡ് അപ്പ് കൊമേഡിയനും ടിവി താരവുമായ രമേഷ് പിഷാരടി പാലക്കാട് യുഡിഎഫ് സ്ഥാനാര്ഥിയായി മത്സരിച്ചേക്കുമെന്ന് റിപ്പോര്ട്ടുകള്. മത്സരിക്കാന് പിഷാരടി സന്നദ്ധത അറിയിച്ചതോടെ താരത്തിന്റെ പേര് സ്ക്രീനിംഗ് കമ്മിറ്റിക്ക് കൈമാറി.
കെ. മുരളീധരന് ഉള്പ്പെടെയുള്ള നേതാക്കളുടെ പേര് പരിഗണിച്ചിരുന്നെങ്കിലും അന്തിമ പട്ടികയില് പിഷാരടിയുടെ പേരാണ് ഇടംപിടിച്ചിരിക്കുന്നത്. സിനിമാ, ടെലിവിഷന് താരമെന്ന നിലയ്ക്കുള്ള രമേഷ് പിഷാരടിയുടെ പ്രശസ്തിയും സ്വീകാര്യതയും വോട്ടായി മാറുമെന്നും അദ്ദേഹത്തിന് ജയസാധ്യതയുണ്ടെന്നുമാണ് കോണ്ഗ്രസ് വിലയിരുത്തുന്നത്.
