ഡല്ഹി: ആര്എസ്എസ് പ്രവര്ത്തകന് സഞ്ജിത്ത് വധക്കേസില് വിചാരണ തുടരാമെന്ന് സുപ്രീം കോടതി. പ്രതികളുടെ ജാമ്യപേക്ഷ പരിഗണിക്കുന്നത് ജനുവരിയിലേക്ക് മാറ്റി.
നിര്ണായക നിരീക്ഷണത്തോടെയാണ് സുപ്രീം കോടതി കേസില് വിചാരണ നടപടി തുടരാന് നിര്ദേശിച്ചത്.
ഭാര്യയുടെ മുന്നിലിട്ട് അതിക്രൂരമായാണ് കൊലപ്പെടുത്തിയെന്നും അതിനപ്പുറം പിന്നെ എന്താണ് ഉള്ളതെന്നുമാണ് സുപ്രീം കോടതി ചോദിച്ചത്.
ആര്എസ്എസ് പ്രവര്ത്തകന് സഞ്ജിത്ത് വധക്കേസിലെ പ്രതികള് നല്കിയ ജാമ്യപേക്ഷ തള്ളണമെന്നാവശ്യപ്പെട്ട് കേരളം സുപ്രീംകോടതിയെ സമീപിച്ചിരുന്നു.
പ്രതികള്ക്ക് നേരെ പകരം വീട്ടലിന് സാഹചര്യമുണ്ടെന്നും സഞ്ജിത്തിനെ പിന്തുണയ്ക്കുന്നവര് തിരിച്ചടിക്കാന് സാധ്യതയുണ്ടെന്നും ഇത് വര്ഗീയസംഘര്ഷത്തിന് വഴിവെക്കുമെന്നുമാണ് കേരളം സുപ്രീം കോടതിയെ അറിയിച്ചത്.
പ്രതികള് പ്രധാനസാക്ഷിയെ സ്വാധീനിക്കാന് ശ്രമം നടത്തിയ വിവരവും സംസ്ഥാനം കോടതിയെ അറിയിച്ചിരുന്നു. കേസിലെ അഞ്ചു പ്രതികളാണ് സുപ്രീംകോടതിയെ ജാമ്യാപേക്ഷയുമായി സമീപിച്ചത്.
സംസ്ഥാന സര്ക്കാരിനായി സ്റ്റാന്ഡിങ് കൗണ്സല് ഹര്ഷദ് വി ഹമീദാണ് സത്യവാങ്മൂലം ഫയല് ചെയ്തത്.
2022 നവംബര് 15 രാവിലെയാണ് എലപ്പുളളി ഇടപ്പുകുളം സ്വദേശിയും തേനാരി ആര് എസ് എസ് ബൗദ്ധിക് പ്രമുഖുമായ സഞ്ജിത്തിനെ വെട്ടിക്കൊലപ്പെടുത്തിയ സംഭവം നടന്നത്.
ബൈക്കില് ഭാര്യയ്ക്കൊപ്പം സഞ്ചരിക്കുകയായിരുന്ന സഞ്ജിത്തിനെ കാറിലെത്തിയ അക്രമി സംഘം വെട്ടിക്കൊല്ലുകയായിരുന്നു. പോപ്പുലര് ഫ്രണ്ട് , എസ് ഡിപിഐ പ്രവര്ത്തകരാണ് സഞ്ജിത്തിനെ കൊലപ്പെടുത്തിയത്. കിണാശ്ശേരി മമ്പ്രത്തു വച്ചായിരുന്നു കൊലപാതകം. 24 പേരാണ് കേസില് പ്രതികള്.
