Whiteswan Tv - News
Sunday, Feb 22, 2026
സധൈര്യം ജനങ്ങൾക്കൊപ്പം

ശബരിമലയിൽ തീർത്ഥാടകരുടെ എണ്ണത്തിൽ വർധന; ഇന്നലെ ദർശനം നടത്തിയത് 60,635 പേർ

Lorem ipsum dolor sit amet, consectetur adipiscing elit. Ut elit tellus, luctus nec ullamcorper mattis, pulvinar dapibus leo. Aliquam non leo id magna vulputate dapibus. Curabitur a porta metus. In viverra ipsum nec vehicula pharetra. Proin egestas nulla velit, id faucibus mi ultrices et.

പത്തനംതിട്ട: ശബരിമലയിൽ തീർത്ഥാടകരുടെ എണ്ണത്തിൽ വർധന. കഴിഞ്ഞ ദിവസങ്ങളെ അപേക്ഷിച്ച് ഇന്നലെ മുതൽ സന്നിധാനത്ത് എത്തുന്നവരുടെ എണ്ണം കൂടിയിട്ടുണ്ട്. മണ്ഡല മകരവിളക്ക് തീർത്ഥാടനം ആരംഭിച്ചശേഷം ആദ്യമായി ഇന്നലെ ഒരു ദിവസം 60,000ത്തിലധികം പേർ ദർശനം നടത്തി. അതേസമയം, വെർച്വൽ ക്യൂ വഴി ബുക്ക് ചെയ്യുന്നവരും ദർശനത്തിനെത്തുന്നവരും തമ്മിലുള്ള വ്യത്യാസം വർധിച്ചതിനെക്കുറിച്ചുള്ള അന്വേഷണം തുടരുകയാണ്. ബുക്ക് ചെയ്ത ദിവസം തന്നെ ദർശനത്തിനെത്താൻ തീർത്ഥാടകർ ശ്രമിക്കണമെന്ന് ശബരിമല എ.ഡി.എം. അഭ്യർത്ഥിച്ചു.

മണ്ഡല മകരവിളക്ക് തീർത്ഥാടനത്തിനായി നട തുറന്നതിനു പിന്നാലെ വെർച്വൽ ക്യൂ ബുക്കിങ് പൂർണമായിരുന്നു. എന്നാൽ ആദ്യ ദിവസങ്ങളിൽ ബുക്ക് ചെയ്തവരിൽ പകുതിയോളം പേർ ദർശനത്തിനെത്തിയില്ല. ഈ അസ്വാഭാവികതയെക്കുറിച്ചാണ് അന്വേഷണം നടക്കുന്നത്. ഏജന്റുമാർ കൂട്ടത്തോടെ ബുക്കിങ് നടത്തുന്നുണ്ടോയെന്ന ആരോപണവും പരിശോധിക്കുന്നുണ്ട്.

അതേസമയം, ഇന്നലെ രാത്രി 12 മണിവരെ 60,635 തീർത്ഥാടകരാണ് മല ചവിട്ടിയത്. തീർത്ഥാടനം ആരംഭിച്ചശേഷം ഒരു ദിവസം ഏറ്റവും കൂടുതൽ പേർ ദർശനത്തിനെത്തിയതും ഇന്നലെയാണ്.

തീർത്ഥാടകരുടെ എണ്ണത്തിൽ കുറവുണ്ടായതിനെ തുടർന്ന് പ്രതിദിന വെർച്വൽ ക്യൂ ബുക്കിങ് പരിധി 66,000ത്തിൽനിന്ന് 71,000 ആയി ഉയർത്തിയിരുന്നു. 5,000 പേരുടെ വർധന ഘട്ടംഘട്ടമായാണ് നടപ്പാക്കിയത്. എന്നാൽ പുതിയ പരിധിയിലും മണിക്കൂറുകൾക്കുള്ളിൽ ബുക്കിങ് പൂർത്തിയാകുന്ന സാഹചര്യമാണുള്ളത്.

ശബരിമലയുമായി ബന്ധപ്പെട്ട് ഉയരുന്ന ഗൂഢാലോചനാ സിദ്ധാന്തങ്ങളിൽ വസ്തുതയില്ലെന്നാണ് പരിശോധനയിൽ ബോധ്യപ്പെടുന്നതെന്ന് എ.ഡി.എം. ദിലീപ് കെ. കൈനിക്കര ഫെയ്സ്ബുക്കിൽ പ്രതികരിച്ചു. വെർച്വൽ ക്യൂ വഴി ബുക്ക് ചെയ്തവർ അനുവദിച്ച സമയത്ത് തന്നെ ദർശനത്തിനെത്തണമെന്നും തീർത്ഥാടനം മാറ്റിവയ്ക്കുന്നവർ ബുക്കിങ് റദ്ദാക്കണമെന്നും അദ്ദേഹം അഭ്യർത്ഥിച്ചു. തീയതി മാറ്റി ദർശനത്തിനെത്തുന്നത് തീർത്ഥാടന ക്രമീകരണങ്ങളെ ബാധിച്ചേക്കുമെന്ന ആശങ്കയെ തുടർന്നാണ് നിർദേശം.

വൈറ്റ്സ്വാൻ ടിവി ന്യൂസിന്റെ ഏറ്റവും പുതിയ വാർത്തകൾ ഇനി വാട്സ്ആപ്പ് വഴിയും ലഭിക്കും.

Lorem ipsum dolor sit amet, consectetur adipiscing elit. Ut elit tellus, luctus nec ullamcorper mattis, pulvinar dapibus leo.

Recent News

Advertisement
WhiteswanTV Footer – WordPress Mobile Fix