തിരുവനന്തപുരം: കെപിസിസി പ്രസിഡന്റായി സണ്ണി ജോസഫ് എംഎല്എ ചുമതലയേറ്റു. വര്ക്കിംഗ് പ്രസിഡന്റുമാരായ പി.സി വിഷ്ണുനാഥ്, എ.പി അനില്കുമാര്, ഷാഫി പറമ്പില്, യുഡിഎഫ് കണ്വീനര് അടൂര് പ്രകാശ് എംപി എന്നിവരും സ്ഥാനം ഏറ്റെടുത്തു. ഇന്ദിരാ ഭവനിലാണ് ചടങ്ങ്. എഐസിസി ജനറല് സെക്രട്ടറി കെ.സി.വേണുഗോപാല് ഉദ്ഘാടനം നിർവഹിക്കും.
കെ.സുധാകരന് എംപി അധ്യക്ഷത വഹിക്കുന്ന യോഗത്തില് കേരളത്തിന്റെ ചുമതലയുള്ള എഐസിസി ജനറല് സെക്രട്ടറി ദീപാദാസ് മുന്ഷി, പ്രതിപക്ഷ നേതാവ് വിഡി സതീശന്, മുൻ പ്രതിപക്ഷ നേതാവ് രമേശ് ചെന്നിത്തല, കോണ്ഗ്രസ് പ്രവര്ത്തക സമിതി അംഗങ്ങള്, മുന് കെപിസിസി പ്രസിഡന്റുമാര്, രാഷ്ട്രീയകാര്യ സമിതി അംഗങ്ങള് തുടങ്ങിയവർ പങ്കെടുത്തു.
