തിരുവനന്തപുരം: രാഹുല് മാങ്കൂട്ടത്തില് എംഎല്എക്കെതിരെ ബലാല്സംഗ പരാതി നല്കിയ പെണ്കുട്ടിയെ സൈബര് അധിക്ഷേപം നടത്തിയതിന് അറസ്റ്റിലായ രാഹുല് ഈശ്വറിന് ജാമ്യം.
16 ദിവസത്തെ റിമാന്ഡിനുശേഷമാണ് രാഹുല് ഈശ്വറിന് ഇന്ന് ജാമ്യം ലഭിച്ചിരിക്കുന്നത്. ജാമ്യാപേക്ഷയില് ഇന്ന് വാദം പൂര്ത്തിയായി. തുടര്ന്നാണ് ഉച്ചയ്ക്കുശേഷം ജാമ്യം നല്കികൊണ്ടുള്ള വിധി വന്നത്.
തിരുവനന്തപുരം അഡീഷണല് സെഷന്സ് കോടതി രാഹുല് ഈശ്വറിന് ഉപാധികളോടെയാണ് ജാമ്യം അനുവദിച്ചത്. രാഹുല് അന്വേഷണവുമായി സഹകരിക്കാത്തിനാല് രണ്ടു ദിവസത്തെ കസ്റ്റി വേണമെന്ന് പ്രോസിക്യൂഷന് ജാമ്യ ഹര്ജിയെ എതിര്ത്തുകൊണ്ട് ആവശ്യപ്പെട്ടിരുന്നു.
16 ദിവസമായി റിമാന്ഡിലാണെന്ന് അറിഞ്ഞുകൊണ്ട് ഒരു തെറ്റും ചെയ്തിട്ടില്ലെന്നും രാഹുല് ഈശ്വറിന്റെ അഭിഭാഷകന് വാദിച്ചു. ഇത്രയും ദിവസത്തിനു ശേഷം ഇനി എന്തിനാണ് വീണ്ടും കസ്റ്റഡിയെന്നായിരുന്നു കോടതിയുടെ ചോദ്യം. വാദത്തിന് ശേഷം ഉത്തരവിനായി മാറ്റുകയായിരുന്നു. തുടര്ന്നാണിപ്പോള് വിധി പറഞ്ഞത്. ഈ കേസിലെ മറ്റൊരു പ്രതി സന്ദീപ്വാര്യയുടെ മുന്കൂര് ജാമ്യാപേക്ഷ നാളെ പരിഗണിക്കും
