തിരുവനന്തപുരം: സംസ്ഥാനത്ത് അനധികൃത മദ്യവില്‍പ്പന നടത്തിയ സംഭവത്തിൽ തൃശ്ശൂരിലും തിരുവനന്തപുരത്തുമായി കസ്റ്റഡിയിൽ. പോത്തന്‍കോട് സ്വദേശി സുരേഷ് കുമാര്‍(55) ആണ് തിരുവനന്തപുരത്ത് പിടിയിലായത്. സുരേഷ് കുമാറിന്റെ പക്കല്‍ നിന്ന് 14 ലിറ്റര്‍ ഇന്ത്യന്‍ നിര്‍മ്മിത വിദേശ മദ്യമാണ് പിടികൂടിയത്. തൃശ്ശൂര്‍ എടത്തിരുത്തി സ്വദേശി ഗോപി എന്നയാളില്‍ നിന്നും വില്‍പ്പനയ്ക്കായി സൂക്ഷിച്ചിരുന്ന 11 ലിറ്റര്‍ ഇന്ത്യന്‍ നിര്‍മ്മിത വിദേശ മദ്യം മദ്യമാണ് ഇയാളില്‍ നിന്ന് പിടികൂടിയത്. തിരുവനന്തപുരം എക്‌സൈസ് സര്‍ക്കിള്‍ ഓഫീസിലെ അസിസ്റ്റന്റ് എക്‌സൈസ് ഇന്‍സ്‌പെക്ടറുടെ നേതൃത്വത്തിലായിരുന്നു പരിശോധന.