കോഴിക്കോട് : റവന്യൂ ജില്ലാ കലോത്സവത്തിന്റെ ചെണ്ടമേളം വേദിയില്‍ സംഘര്‍ഷം. കൊരയങ്ങാട് ക്ഷേത്ര മൈതാനിയില്‍ നടന്ന ഹൈസ്‌കൂള്‍ വിഭാഗം ചെണ്ടമേളംമത്സരത്തിനൊടുവിലാണ് സംഘര്‍ഷമുണ്ടായത്. വിധി നിര്‍ണയതില്‍ പക്ഷപാതിത്വം കാണിച്ചുവെന്ന ആക്ഷേപം സംഘര്‍ഷത്തിലേക്ക് നയിക്കുകയായിരുന്നു. കോഴിക്കോട് സെന്റ് ജോസഫ് എച്ച്എസ്എസിനെയാണ് വിജയികളായി പ്രഖ്യാപിച്ചത്. ഇതില്‍ പ്രകോപിതരായി മറ്റ് മത്സരാര്‍ഥികളും നാട്ടുകാരും പ്രതിഷേധിക്കുകയായിരുന്നു. ഇവര്‍ വിധി കര്‍ത്താക്കളെ തടഞ്ഞുവെച്ചു. ഇതോടെ ഉന്തും തള്ളുമുണ്ടായി. ജഡ്ജസിനെ വാഹനത്തില്‍ കയറാന്‍ അനുവദിച്ചില്ല. പോലിസ് ഇടപെട്ടാണ് സംഘര്‍ഷം ലഘൂകരിച്ചത്.