തിരുവനന്തപുരം: സെക്രട്ടറിയേറ്റിന് മുന്നിൽ സമരം ചെയ്യുന്ന ആശാ വര്‍ക്കര്‍മാരെ ചര്‍ച്ചയ്ക്ക് വിളിച്ച് സര്‍ക്കാര്‍. സമരം തുടങ്ങി 38-ാം ദിവസം പിന്നിടുമ്പോഴാണ് ചർച്ചയ്ക്കായി സർക്കാർ അവസരമൊരുക്കുന്നത്. നാഷ്ണല്‍ ഹെല്‍ത്ത് മിഷന്‍(എന്‍.എച്ച്.എം.) കേരള ഘടകത്തിന്റെ ഓഫീസിലാണ് ചര്‍ച്ച സംഘടിപ്പിക്കുന്നത്. ഇന്ന് ഉച്ചയ്ക്ക് 12: 30-ന് ആശാ വര്‍ക്കര്‍മാരുടെ പ്രതിനിധികള്‍ ഓഫീസിലെത്തും. ചർച്ചയ്ക്ക് വിളിച്ചതിൽ സന്തോഷം ഉണ്ടെന്നും ആവശ്യങ്ങളിൽ നിന്നും പിന്നോട്ടുപോകില്ലെന്നും ആശാ വര്‍ക്കര്‍മാര്‍ പ്രതികരിച്ചു. നാളെ നിരാഹാരസമരം നടത്തുമെന്ന് ആശാവർക്കർമാർ നേരത്തെ പ്രഖ്യാപിച്ചിരുന്നു. ഓണറേറിയം വര്‍ധിപ്പിക്കണമെന്ന ആവശ്യം ഉന്നയിച്ചുകൊണ്ടാണ് ആശാ […]