കോഴിക്കോട്: മടവൂർ ഗ്രാമപഞ്ചായത്തിലെ ഏക സർക്കാർ യു.പി വിദ്യാലയമായ ആരാമ്പ്രം ജി.എം.യു.പി സ്കൂളിൽ വിദ്യാർത്ഥികൾക്കായി മനോഹരമായ പൂന്തോട്ടം നിർമ്മിക്കുന്നു. വിദ്യാലയത്തിന് കൂടുതൽ മിഴിവേകാനും കുട്ടികളെ പ്രകൃതിയോട് അടുപ്പിക്കാനുമാണ് ഇത്തരമൊരു പദ്ധതിക്ക് തുടക്കമിട്ടിരിക്കുന്നത്. സ്കൂൾ പി.ടി.എയുടെ നേതൃത്വത്തിലാണ് പൂന്തോട്ട നിർമ്മാണം നടക്കുന്നത്. സ്കൂളിലെ ഒരു പൂർവ്വ വിദ്യാർത്ഥിയുടെ സഹകരണവും ഈ പ്രവർത്തനത്തിന് കരുത്തുപകരുന്നു. പാഠപുസ്തകങ്ങൾക്കപ്പുറം പ്രകൃതിയെ തൊട്ടറിഞ്ഞു പഠിക്കാനും സ്കൂൾ അങ്കണം കൂടുതൽ ആകർഷകമാക്കാനുമാണ് ഈ ഉദ്യമത്തിലൂടെ ലക്ഷ്യമിടുന്നത്. പുതുതലമുറയ്ക്ക് പരിസ്ഥിതി അവബോധം നൽകുന്നതിനോടൊപ്പം, പഠനാന്തരീക്ഷം കൂടുതൽ മനോഹരമാക്കുക […]