തിരുവനന്തപുരം: സംസ്ഥാനത്തെ സാമൂഹ്യസുരക്ഷാ ക്ഷേമപെൻഷൻ വിതരണം വെള്ളിയാഴ്ച മുതൽ ആരംഭിക്കും. ജൂലൈ മാസത്തെ പെൻഷനാണ് ഗുണഭോക്താക്കൾക്ക് ലഭിക്കുക. പെൻഷൻ വിതരണത്തിനായി സർക്കാർ 1,095 കോടി രൂപ അനുവദിച്ചതായി അറിയിച്ചു.

ഓഗസ്റ്റ് മൂന്നിനകം മുഴുവൻ ഗുണഭോക്താക്കൾക്കും പെൻഷൻ വിതരണം പൂർത്തിയാക്കാനാണ് സർക്കാർ ലക്ഷ്യമിടുന്നത്. വിവിധ ക്ഷേമനിധി ബോർഡുകളുടെ പെൻഷൻ വിതരണവും ഇതോടൊപ്പം ആരംഭിക്കും.

കർഷക തൊഴിലാളി പെൻഷൻ, ഇന്ദിരാഗാന്ധി ദേശീയ വാർധക്യകാല പെൻഷൻ, ഭിന്നശേഷി പെൻഷൻ, വിധവാ പെൻഷൻ എന്നിവ ഉൾപ്പെടെയുള്ള ആനുകൂല്യങ്ങളാണ് നാളെ മുതൽ വിതരണം ചെയ്യുക.