പ്രേക്ഷകര് ആവേശത്തോടെ കാത്തിരിക്കുന്ന കമല് ഹാസന് മണിരത്നം ചിത്രം തഗ് ലൈഫിലെ ആദ്യ ഗാനം ജിങ്കുച്ചാ റിലീസായി.
കമല് ഹാസ്സന്റെ വരികള്ക്ക് എ.ആര്.റഹ്മാന്റെ സംഗീതം നല്കിയ ഗാനമാണ് പുറത്തിറങ്ങിയത്. ചെന്നൈയില് ഇന്ന് നടന്ന പ്രൗഢ ഗംഭീരമായ് ചടങ്ങിലായിരുന്നു ഗാനത്തിന്റെ പ്രകാശനം. ;ചടങ്ങില് കമല്ഹാസന്, മണിരത്നം, എ ആര് റഹ്മാന്, സിലമ്പരശന്, ജോജു ജോര്ജ്, തൃഷ, അഭിരാമി തുടങ്ങിയ താരങ്ങള് പങ്കെടുത്തു. തഗ് ലൈഫിന്റെ ഓഡിയോ അവകാശം സരിഗമായാണ് കരസ്ഥമാക്കി്. ലോകവ്യാപകമായി തഗ് ലൈഫ് ജൂണ് 5 ന് തിയേറ്ററുകളിലേക്കെത്തും.
മുപ്പത്തിയാറു വര്ഷത്തെ ഇടവേളയ്ക്ക് ശേഷം കമല്ഹാസനെ നായകനാക്കി മണിരത്നം സംവിധാനം ചെയ്യുന്ന ചിത്രമാണ് തഗ് ലൈഫ്. രാജ്കമല് ഫിലിംസ് ഇന്റര്നാഷണല്, മദ്രാസ് ടാക്കീസ്, റെഡ് ജയന്റ് മൂവീസ്, ആര്.മഹേന്ദ്രന്, ശിവ അനന്ത് എന്നിവര് ചേര്ന്നാണ് ചിത്രത്തിന്റെ നിര്മ്മാണം. ജോജു ജോര്ജ്, തൃഷ, ഐശ്വര്യാ ലക്ഷ്മി, അശോക് സെല്വന്, അഭിരാമി, നാസ്സര് തുടങ്ങി വമ്പന് താര നിരയാണ് ചിത്രത്തിലുള്ളത്.
മണിരത്നത്തിനൊപ്പം പതിവ് സഹപ്രവര്ത്തകരായ സംഗീതസംവിധായകന് എ.ആര് റഹ്മാനും എഡിറ്റര് ശ്രീകര് പ്രസാദും ഈ ചിത്രത്തിലും ഒരുമിക്കുന്നുണ്ട്. നേരത്തെ മണിരത്നത്തിന്റെ കന്നത്തില് മുത്തമിട്ടാല്, ആയുധ എഴുത്ത് എന്നീ ചിത്രങ്ങളില് പ്രവര്ത്തിച്ചിട്ടുള്ള ഛായാഗ്രാഹകന് രവി കെ ചന്ദ്രനാണ് പുതിയ ചിത്രത്തിന്റെ ക്യാമറ . വിക്രമിന് വേണ്ടി കമലുമായി സഹകരിച്ച അന്പറിവ് മാസ്റ്റേഴ്സിനെയാണ് ആക്ഷന് കൊറിയോഗ്രാഫി ചെയ്യുന്നത്. തഗ് ലൈഫിന്റെ മേക്കപ്പ് രഞ്ജിത്ത് അമ്പാടിയും പ്രൊഡക്ഷന് ഡിസൈനറായി ശര്മ്മിഷ്ഠ റോയ്യും കോസ്റ്റ്യൂം ഡിസൈനറായി ഏകാ ലഖാനിയുമാണ് ചിത്രത്തില് പ്രവര്ത്തിക്കുന്നത്. പി.ആര്.ഒ പ്രതീഷ് ശേഖര്.
