തൃശ്ശൂർ: മാസപ്പടി കേസുമായി ബന്ധപ്പെട്ട അന്വേഷണം അട്ടിമറിക്കാൻ യുഡിഎഫ് ശ്രമിക്കുന്നുവെന്ന് ബിജെപി മുൻ സംസ്ഥാന അധ്യക്ഷൻ കെ. സുരേന്ദ്രൻ ആരോപിച്ചു. കേസിൽ ഇരുപക്ഷങ്ങൾക്കും ഗൗരവമായ പങ്കുണ്ടെന്ന സംശയം ഉയരുന്നുണ്ടെന്നും അദ്ദേഹം പറഞ്ഞു.
സതീശൻ സർക്കാരിലെ രണ്ട് മന്ത്രിമാർ കരിമണൽ കമ്പനിയിൽ നിന്ന് പണം കൈപ്പറ്റിയവരാണെന്ന വിവരങ്ങൾ പുറത്തുവരുന്നുണ്ടെന്നും, അതിനാൽ കേരള സർക്കാർ കേസ് അന്വേഷണം അട്ടിമറിക്കാൻ ശ്രമിക്കുകയാണെന്നും സുരേന്ദ്രൻ ആരോപിച്ചു. കോടിക്കണക്കിന് രൂപയുടെ ഇടപാടുകളാണ് ഇതുമായി ബന്ധപ്പെട്ട് പുറത്തുവരുന്നതെന്നും അദ്ദേഹം പറഞ്ഞു.
കേസിൽ കേന്ദ്ര ഏജൻസികൾ കൂടി അന്വേഷണം നടത്തണമെന്നും, സംസ്ഥാന പൊലീസ് അന്വേഷണത്തിൽ നിന്ന് പിന്മാറണമെന്നും അദ്ദേഹം ആവശ്യപ്പെട്ടു. തെരഞ്ഞെടുപ്പ് സമയത്ത് കോടതിയിൽ നിന്ന് പൂർണ നീതി ലഭിച്ചില്ലെന്നും, ഇപ്പോൾ അനുമതി ലഭിച്ചിട്ടും അന്വേഷണത്തെ തടസ്സപ്പെടുത്താൻ ശ്രമം നടക്കുന്നുവെന്നും അദ്ദേഹം പറഞ്ഞു.
സിഎംആർഎൽ കേസിൽ സത്യം പുറത്തുവരുന്നതിൽ എൽഡിഎഫിനും യുഡിഎഫിനും ഒരുപോലെ ഭയം ഉണ്ടെന്നും, ഇരുകൂട്ടർക്കും കൊള്ള മുതലിൽ പങ്കുണ്ടെന്നുമാണ് കെ. സുരേന്ദ്രന്റെ ആരോപണം.
